کراچی: ڈیفنس کے علاقے میں مبینہ پولیس مقابلے کے دوران 2 ملزمان ہلاک ہوگئے۔
اے آر وائی نیوز کے مطابق ایس ایس پی ساجد سدوزئی نے بتایا کہ پولیس نے ایک اہم گینگ کی اطلاع پر ڈیفنس میں چھاپہ مارا تھا، فائرنگ کے تبادلے میں 2 ملزمان مارے گئے۔
ایس ایس پی کے مطابق ملزمان کا گروہ کئی دنوں سے مطلوب تھا، پولیس کے پہنچنے پرمقابلہ ہوگیا، ملزمان ڈیفنس میں منظم طریقے سے وارداتیں کرنے میں ملوث تھے۔
دوسری جانب لاہور کے نواب ٹاؤن میں ڈاکٹر نے لڑکی کو مبینہ طور پر جنسی زیادتی کا نشانہ بنادیا، پولیس نے واقعہ کا مقدمہ درج کرلیا ہے۔
اے آر وائی نیوز کے مطابق ڈاکٹر عبد الرحمان کیخلاف نواب ٹاؤن تھانے میں مقدمے کا اندراج کرلیا گیا ہے، پولیس نے متاثرہ لڑکی کی مدعیت میں مقدمہ درج کرکے کارروائی شروع کردی ہے۔
ایف آئی آر کے متن کے مطابق ڈاکٹر عبد الرحمان کا لڑکی سے رابطہ شادی سے متعلق ایک ایپلیکشن ایپ پر ہوا، ڈاکٹر نے لڑکی کو اسپتال کے کیفے میں بلایا، زبردستی نواب ٹاؤن لے گیا اور زیادتی کا نشانہ بنادیا۔
خوفناک ٹریفک حادثہ : ایک ہی خاندان کے 5 افراد جاں بحق
پولیس ذرائع کے مطابق متاثرہ لڑکی کامیڈیکل کرایا جا رہا ہے، ملزم کو بھی جلد گرفتار کرلیا جائے گا۔
