The news is by your side.

Advertisement

کراچی : پولیس مقابلے کے بعد بدنام زمانہ منشیات فروش گرفتار

کراچی : نیو کراچی انڈسٹریل ایریا پولیس نے مقابلے کے بعد بدنام زمانہ منشیات فروش کو زخمی حالت میں گرفتار کرلیا جبکہ دوسرا ملزم فرار ہونے میں کامیاب ہوگیا۔

اس حوالے سے ذرائع نے بتایا ہے کہ نیوکراچی انڈسٹریل ایریا کی حدود میں پولیس کا منشیات فروش سے مقابلہ ہوا ہے، فائرنگ کے تبادلے کے بعد ایک ملزم زخمی حالت میں گرفتار اور ایک فرار ہوگیا۔

پولیس حکام کا کہنا ہے کہ ملزم شہزاد دھتوعرف شہزادو سے9ایم ایم پستول، چرس، ہیروئن اور گاڑی برآمد ہوئی ہے۔ ملزم نیوکراچی انڈسٹریل ایریا پولیس کو متعدد مقدمات میں مطلوب تھا۔

ترجمان ڈسٹرکٹ سینٹرل پولیس کے مطابق گرفتار ہونے والے ملزم کے خلاف نیو کراچی انڈسٹریل ایریا تھانے میں 27 مقدمات درج ہیں، متعدد مقدمات میں ملزم کورٹ سے اشتہار ی بھی ہے۔

پولیس نے بتایا ہے کہ ملزم شہزاد دھتو کو خمیسو گوٹھ میں روکا گیا تھا جب وہ منشیات کی سپلائی کرنے پہنچا تھا، ملزم نے پولیس کو اپنی طرف آتا دیکھ کر فرار ہونےکی کوشش کی۔

تعاقب کے بعد ملزم شہزاد کو روکنے کی کوشش کی گئی تو اس نے پولیس اہلکاروں پر فائرنگ کردی، پولیس کی جوابی فائرنگ سے ملزم زخمی ہوگیا، گرفتار ملزم کے خلاف مقدمہ درج کرلیا گیا ہے۔

Comments

یہ بھی پڑھیں