The news is by your side.

Advertisement

شوہر کو قتل کرکے لاش کے ٹکڑے کرنے والی ملزمہ 4روزہ جسمانی ریمانڈ پر پولیس کے حوالے

کراچی : مقامی عدالت نے شوہر کو قتل کرکے لاش کے ٹکڑے کرنے والی ملزمہ کو 4روزہ جسمانی ریمانڈ پر پولیس کے حوالے کردیا۔

تفصیلات کے مطابق کراچی کی مقامی عدالت میں شہری کو قتل اور لاش کے ٹکڑے کرنے کے کیس کی سماعت ہوئی ، پولیس نے ملزمہ کو جوڈیشل مجسٹریٹ جنوبی کی عدالت میں پیش کیا۔

تفتیشی افسر نے بتایا کہ ہم نےملزمہ کی انگلیوں کے نشانات بھی لیے ہیں، ڈی این اے سمپل بھی حاصل کرلیا گیا ہے ، تمام رپورٹس کچھ دنوں میں موصول ہوں گی۔

عدالت نے استفسار کیا کیس خاتون تفتیشی افسر کو کیوں نہیں دیا گیا؟سرکاری وکیل عبدالرحمان نے بتایا کہ قتل کا سنگین معاملہ ہے، پولیس مختلف پہلوؤں سے تفتیش کر رہی ہے۔

عدالت نے شوہر کو قتل کرکے لاش کے ٹکڑے کرنے والی ملزمہ کو 4روزہ جسمانی ریمانڈ پر پولیس کے حوالے کردیا۔

دوسری جانب کراچی میں قتل اور لاش کے ٹکڑے کرنے کے واقعے میں گرفتارخاتون کی جانب سے تاحال نکاح نامہ نہیں دیا گیا، پولیس کا کہنا ہے کہ خاتون رباب بار بار بیان تبدیل کررہی ہے، گھر سے ملنے والے سامان میں آلہ قتل بھی موجود ہے، سامان میں خاتون کے خون آلود کپڑے ملوث ہونے کا ثبوت ہیں۔

پولیس نے مزید کہا کہ گرفتارخاتون پہلےبھی پولیس کومقتول کیخلاف شکایت درج کراچکی ہے، خاتون نے ڈیڑھ سال پہلے پیسے نہ دینے پر شکایت درج کرائی تھی۔

پولیس کے مطابق مقتول شیخ سہیل نےبیان دیاتھاکہ خاتون نکاح میں نہیں تھی، خاتون محبود آباد کی رہائشی ہے، واقعے کی مزید تفتیش جاری ہے۔

Comments

یہ بھی پڑھیں