The news is by your side.

Advertisement

کراچی: پولیس حکام کا شہریوں کے لیے 911 کے نام سے نئی ہیلپ لائن متعارف کروانے کا فیصلہ

کراچی : پولیس حکام کا شہریوں کے لیے 911 کے نام سے نئی ہیلپ لائن متعارف کروانے کا فیصلہ،ڈی آئی جی سیکورٹی مقصود میمن کے مطابق نئی ہیلپ لائن سروس میں تمام نجی اور سرکاری ایمبولینس سروسز اور فائر بریگیڈ پولیس ہیلپ لائن کے تحت کام کریں گی.

اے آر وائے نیوز سے خصوصی گفتگو کرتے ہوئے ڈی آئی جی سیکورٹی مقصود میمن کا کہنا تھا کہ شہر میں تین مرحلوں میں پندرہ ہزار کمیرے نصب کیے جائیں گے،پہلے مرحلے میں پانچ ہزار کیمرے نصب کیے جائیں گے،نئے کیمرے بارہ میگا پکسل ہوں گے،جن میں فیس ڈیٹیکشن سافٹ ویئر انسٹال کیا جائےگا.

ڈی آئی جی مقصود کا کہنا تھا کہ اس حوالے سے کیمرا سرویلنس کی پوسٹ کے لیے بھرتیاں کی جائیں گی،جس کے تحت کیمرا آپریٹنگ کےماہر لوگوں کو بھرتی کیا جائے گا.

اُن کا مزید کہنا تھا کہ نئی ہیلپ لائن سروس امریکہ جیسے جدید ملک کی طرز پر شروع کی جارہی ہے،سروس متعارف کروانے کا مقصد شہریوں کوبہترین سروس مہیا کرنے کے ساتھ ساتھ مشکل وقت میں ان کی مدد کو یقینی بنانا ہے.

ڈی آئی جی سیکورٹی کے مطابق شہر میں ہنگامی حالات اوراسٹریٹ کرائم سے نمٹنے کے لیے ایس ایس یو کمانڈوز تعینا ت کیے جائیں گے،علاقہ پولیس سے قبل اسپیشل سیکورٹی یونٹ کے کمانڈوز رپیڈ رسپانس فورس کے طور پر پہلے جائے وقوع پر پہنچےگے.

مقصود میمن کے مطابق 911 سروس سینٹرل پولیس آفس اور سوک سینٹر کمانڈ اینڈ کنٹرول سے کنٹرول کی جائے گی،جبکہ 911 سروس کے لیے سینٹرل لائز آفس بنانے کے لیے بھی مشاورت کی جا رہی ہے.

شہر میں پولیس فیسیلیٹیشن سینٹر کے قیام اور 911 سروس کی لانچنگ کے بعد ایک جانب شہری ان سروسز سے استفادہ حاصل کریں گے تو دوسری جانب جرائم کی شرح میں بھی کمی واقع ہوگی.

Print Friendly, PDF & Email

Comments

comments

یہ بھی پڑھیں