کراچی :شہر قائد بارود سے بھرے واٹر ٹینکر کے ذریعے دہشت گردی کے ممکنہ خطرے کے پیش نظر شہر بھر میں سیکیورٹی کو ریڈ الرٹ کردیا گیا۔
خفیہ اداروں نے آٹھ اپریل کو ایک خط کے ذریعے کراچی پولیس چیف کو آگاہ کیا ہے کہ مصدقہ اطلاعات کے مطابق شہر بھر پر دہشت گردی کے خطرات منڈلا رہے ہیں خط میں کہا گیا ہے کہ دہشت گرد عناصر واٹر ٹینکر کے ذریعے بڑی دہشت گردی کا ارادہ رکھتے ہیں۔
دہشتگردوں کا ہدف بلاول ہاوس، گورنر ہاوس، وزیر اعلٰی ہاوس سندھ، پولیس اور رینجرز ہیڈکواٹرز بھی ہوسکتا ہے جبکہ دہشتگرد مساجد، مدارس، امام بارگاہیں، اقلییتی عبادت گاہیں۔
خفیہ اداروں کے دفاتر کو بھی نشانہ بناسکتے ہیں۔ ممکنہ دہشت گردی کے خدشات کے باعث شہر بھرمیں سکیورٹی کے سخت انتظامات کی ضرورت ہے۔
سکیورٹی ادارے ریڈ الرٹ رہیں، سخت نگرانی کے عمل کو بروئے کار لائیں صوبے میں گھومتے کسی بھی واٹر ٹینکر کر بنا چیکنگ کے جانے نہ دیں۔
