تازہ ترین

وزیراعظم شہبازشریف کو امریکی صدر جو بائیڈن کا خط، نیک تمناؤں کا اظہار

واشنگٹن: امریکی صدر جو بائیڈن نے وزیر اعظم شہباز...

بابر اعظم کو دوبارہ قومی ٹیم کا کپتان بنانے کا فیصلہ ہو گیا

پاکستان کرکٹ بورڈ نے بابر اعظم کو ایک بار...

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

جون تک پی آئی اے کی نجکاری کا عمل مکمل کرلیا جائے گا، وفاقی وزیر خزانہ

کراچی : وزیرخزانہ محمداورنگزیب کا کہنا ہے کہ پی...

روسی سوشل میڈیا اسٹار کا بہیمانہ قتل، ملزم گرفتار

ماسکو: روسی سوشل میڈیا اسٹار کی لاش ان کے گھر سے سوٹ کیس سے برآمد ہوئی ہے، پولیس نے قتل کے شبے میں ایک ملزم کو گرفتار کرلیا۔

غیرملکی خبررساں ادارے کے مطابق سوشل میڈیا ویب سائٹ انسٹاگرام پر تصاویر پوسٹ کرکے شہرت کی بلندیوں پر پہنچنے والی 24 سالہ روسی دوشیزہ ایکاترینا کاراگلانوا اپنے فلیٹ میں مردہ حالت میں پائی گئی تھیں، پولیس نے قتل کے شبے میں ایک ملزم کو حراست میں لے کر تحقیقات کا آغاز کردیا ہے۔

روسی قانون نافذ کرنے والے اداروں کی جانب سے ملزم کی شناخت ظاہر نہیں کی گئی ہے۔

پولیس کا کہنا ہے کہ جس کمرے سے لڑکی کی لاش برآمد ہوئی ہے وہاں کا دورہ کرکے شواہد اکٹھے کرلیے گئے ہیں اور سوٹ کیس کو بھی تحویل میں لے لیا گیا ہے۔

مقتولہ ایکاترینا کاراگلانوا کے انسٹاگرام پر فالوورز کی تعداد 92 ہزار سے زائد تھی اور انہوں نے گریجویٹ کی ڈگری حاصل کررکھی تھی۔

ایکاتریناکارا نے اپنی آخری تصویر انسٹا گرام پر چند روز قبل شیئر کی تھی۔

ایک پوسٹ میں ان کا کہنا تھا کہ مجھے زیادہ آرام کرنا پسند نہیں ہے اور میں اکثر سفر کرنا پسند کرتی ہوں، ان کا کہنا تھا کہ میرا سب سے لمبا ٹور ایک مڈل ایسٹ ملک کا تھا جہاں میں نے تین سے پانچ دن گزارے تھے اور اس وقت میری عمر 14 سال تھی۔

ایکتاترینا ٹریول اور فیشن بلاگر بھی تھیں، ان کی لاش 29 جولائی کو ان کے کمرے سے برآمد ہوئی تھی جبکہ 30 جولائی کو ان کی سالگرہ بھی تھی۔

رپورٹ کے مطابق ایکاترینا کے اہل خانہ گزشتہ کئی روز سے ان سے رابطہ کرنے کی کوشش کررہے تھے رابطہ نہ ہونے پر انہوں نے مالک مکان سے رابطہ کیا، بعدازاں تلاش کے بعد ان کی لاش گھر میں رکھے ایک سوٹ کیس سے برآمد ہوئی۔

Comments

- Advertisement -