The news is by your side.

Advertisement

کراچی پولیس کی ایک اور نا اہلی، ملزم کو زخمی کر کے اہل کار ویڈیو بنانے لگا

کراچی: شہرِ قائد میں پولیس کی نا اہلی کا ایک اور واقعہ سامنے آ گیا، پولیس اہل کار ملزم کو زخمی کر کے ویڈیو بنانے اور کمنٹری کرنے میں مصروف ہو گیا۔

تفصیلات کے مطابق کراچی پولیس کے ایک اہل کار نے نے حماقت کی انتہا کر دی، مبینہ ملزم کو زخمی کرنے کے بعد اسپتال پہنچانے کی بجائے ویڈیو بنانے لگا۔

زخمی ملزم کی ویڈیو بنانے کا مقصد شواہد محفوظ کرنا تھا۔

ایس ایس پی ویسٹ

کراچی کے علاقے پیرآباد، قصبہ کالونی میں ملزم مبینہ پولیس مقابلے میں زخمی ہو کر زمین پر پڑا تڑپتا رہا۔

معاملے پر ایس ایس پی ویسٹ شوکت کھٹیان نے عجیب و غریب مؤقف اختیار کرتے ہوئے کہا کہ زخمی ملزم کی ویڈیو بنانے کا مقصد شواہد محفوظ کرنا تھا۔

ویڈیو بنانے کے بعد پولیس اہل کاروں نے ایمبولینس منگوا کر ملزم عادل کو بر وقت اسپتال پہنچا دیا، تاہم اہل کاروں کی غفلت کے باعث زخمی ملزم کی جان کو خطرہ لا حق ہو سکتا تھا۔

یہ بھی پڑھیں:  سیلف ڈیفنس کی آڑ میں ظلم کرنے کا حق کسی کو حاصل نہیں: ڈاکٹر امیر شیخ

یاد رہے کہ 6 فروری کو کراچی کے علاقے بھینس کالونی میں ارشاد رانجھانی کو یو سی چیئرمین رحیم شاہ نے گولی مار کر زخمی کر دیا تھا، جس کے بعد پولیس نے زخمی کو اسپتال پہنچانے کی بہ جائے تھانے لے جا کر تفتیش شروع کر دی، جس کے باعث زخمی کی جان چلی گئی۔

پولیس کی جانب سے غفلت برتنے کے بڑھتے واقعات اور شہریوں کے جانوں کے ضیاع کے بعد ملک بھر کی پولیس کی تربیت کی ضرورت محسوس کی جا رہی ہے۔

Comments

comments

یہ بھی پڑھیں