The news is by your side.

Advertisement

آج ملک بھر میں یوم شہدائےپولیس منایاجارہاہے

آرمی چیف کا شاندار خراج تحسین

آج ملک بھر میں یومِ شہدائے پولیس منایا جارہا ہے ، یہ دن ارض وطن میں جرائم پیشہ افراد اور دہشت گردوں کی سرکوبی کے دوران شہادت پانے والے پولیس اہلکاروں کی یاد میں منایا جاتا ہے۔

تفصیلات کے مطابق ملک بھر میں آج یوم شہدائے پولیس منایا جا رہا ہے جس کا مقصد اپنے فرائض کی انجام دہی کے دوران جان قربان کرنے والے پولیس افسران اور جوانوں کو خراج عقیدت پیش کرنا ہے، یہ دن پاکستان کے چاروں صوبوں اور آزاد کشمیر میں منایا جاتا ہے۔

اس دن کی م ناسبت سے پولیس کے تمام دفاتر میں فرض کی راہ میں جان قربان کرنے والے فرض شناس پولیس اہلکاروں کے لیے قرآن خوانی اور انہیں خراج تحسین پیش کر نے کے لیے تقریبات کا بھی انعقاد کیا جاتا ہے۔

آرمی چیف کا خراج عقیدت

پاک فوج کے سالار جنرل قمرجاویدباجوہ نے اس دن کے موقع پر پولیس کےشہدااوران کےاہل خانہ کوسلام پیش کرتے ہوئے کہا کہ پولیس نےہمیشہ مضبوط فورس ہونےکاثبوت دیاہے۔

ان کا کہنا تھا کہ پاکستان میں دو دہائیوں سے جاری دہشت گردی کے خلاف جنگ میں تمام صوبوں کی پولیس نے پاک افواج کے شانہ بشانہ اپنا کردار ادا کیا ہے اور شہادتیں پیش کی ہیں۔

فرض کی راہ میں قربان ہونے والے بے مثال سپوت

فرائض کی ادائیگی میں جہاں پولیس افسراوراہلکارامن وامان یقینی بناتے ہیں وہیں ملک دشمنوں کا مقابلہ کرتے ہوئے اپنی جانوں کا نذرانہ بھی پیش کرتے ہیں۔کراچی کے بہادر پولیس افسرشہید چودھری اسلم کی دلیری مدتوں یادرکھی جائےگی ،جنہوں نے کراچی کی بھتہ مافیا اوردہشت گردوں سے مرتے دم تک مقابلہ کیا اورملک دشمںوں کے حملے میں جام شہادت نوش کیا ۔

پشاورکےاہم پولیس افسرصفوت غیورنےبھی اپنے نام کی لاج رکھی اور، دہشت گردی کا پا مردی سے مقابلہ کرتے ہوئےملک دشمن عناصر کے ہاتھوں شہید ہو گئے،قوم پولیس کےشہیدافسروں اورجوانوں کوسلام پیش کرتی ہے۔

یوم شہدا ئے پولیس کے موقع پرآئی جی پنجاب عارف نواز خان اور دیگر پولیس افسران نے یادگار شہداء پر پنجاب پولیس کے شہداءکی یاد میں شمعیں روشن کیں اور پھول چڑھائے۔

Comments

comments

یہ بھی پڑھیں