اسلام آباد : پولیس نے تحریک انصاف کے رہنماؤں کے وارنٹ گرفتاری حاصل کرلئے ، علی امین گنڈا پور اور پرویز خٹک اسلام آباد پولیس کو پہلے ہی مقدمات میں مطلوب ہیں۔
تفصیلات کے مطابق اسلام آباد پولیس نے غلام سرور خان اور زلفی بخاری سمیت دیگر پی ٹی آئی رہنماؤں کے وارنٹ گرفتاری حاصل کرلئے۔
ذرائع کا کہنا ہے کہ علی امین گنڈا پور اور پرویز خٹک اسلام آبادپولیس کوپہلےہی مقدمات میں مطلوب ہیں، وفاقی حکومت کی اجازت سے اسلام آباد پولیس، رینجرز اور ایف سی موٹروے کھلوا سکتی ہے۔
یاد رہے گذشتہ روز وفاقی دارالحکومت اسلام آباد میں اجلاس ہوا تھا ، جس میں پاکستان تحریک انصاف کے اہم رہنماؤں کیخلاف کریک ڈاؤن کا فیصلہ کیا گیا تھا۔
ذرائع کے مطابق متعلقہ اداروں نے سابق وزیر دفاع پرویز خٹک سمیت پی ٹی آئی کے دیگر اہم رہنماؤں عامر کیانی، شیخ راشد شفیق کے وارنٹ گرفتاری حاصل کرلیے گئے ہیں اسکے علاوہ علی امین گنڈا پور اور ملک عامر ڈوگر کو بھی گرفتار کرنے کا فیصلہ کیا گیا تھا۔
