وزیراعلیٰ مریم نواز نے بس میں خاتون کو ہراساں کرنے والے پولیس اہلکار کی گرفتاری کے بعد اسکی تصویر سوشل میڈیا پر شیئر کردی۔
سوشل میڈیا پر ایک ویڈیو وائرل ہوئی تھی جس میں پٹرولنگ پولیس اہلکا بس میں آگے والی سیٹ پر بیٹھی خاتوں کو ہراساں کررہا تھا، مذکورہ اہلکار کو حراست میں لیے جانے کے بعد مریم نواز نے سوشل میڈیا پر کیپشن کے ساتھ تصویر پوسٹ کی۔
وزیراعلیٰ پنجاب مریم نواز نے پٹرولنگ پولیس اہلکار کی تصویر شیئر کرتے ہوئے اپنی پوسٹ میں لکھا کہ اس شخص کو گرفتار کرلیا گیا، ہراساں کرنے کے واقعات کے لیے زیرو ٹالرینس ہے۔
وائرل ہونے والی ویڈیو میں دیکھا جاسکتا ہے کہ بس میں خاتون کو پٹرولنگ پولیس اہلکار حراساں کررہا ہے اور اسے چھورہا ہے۔
Arrested ! Zero tolerance for harassment. https://t.co/d2AcM9dvRu pic.twitter.com/ltGNPQxOTq
— Maryam Nawaz Sharif (@MaryamNSharif) October 18, 2025
اس دوران نقاب پوش خاتون جو اگلی سیٹ پر بیٹھی ہے پریشان دکھائی دیتی ہے جبکہ پولیس اہلکار ایک بار یہ حرکت کرنے کے بعد پھر دوبارہ ایسا ہی کرتا ہے۔
مذکورہ پٹرولنگ پولیس اہلکار کو اداروں نے حراست میں لے لیا ہے اور اب وہ سلاخوں کے پیچھے ہے، پولیس کے مطابق سرگودھا میں نارووال چوک مریدکے پر ہائی وے پیٹرولنگ کے اہلکار نے بس میں خاتون کو ہراساں کیا۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں