site
stats
پاکستان

کراچی: مسافر بس پر فائرنگ کرنے والے پولیس اہلکار کا ریمانڈ منظور

کراچی: صوبہ سندھ کے دارالحکومت کراچی میں بس پر فائرنگ کے ملزم پولیس اہلکار کا 3 روزہ جسمانی ریمانڈ دے دیا گیا۔ عدالت نے ریمارکس میں کہا کہ لوگ لٹ رہے ہوتے ہیں تب فائر نہیں کرتے۔

تفصیلات کے مطابق گزشتہ روز کراچی کے علاقے ناظم آباد میں بس پر فائرنگ کے واقعے میں ملوث ملزم پولیس اہلکار کو عدالت میں پیش کردیا گیا۔

مجسٹریٹ نے ریمارکس میں کہا کہ لوگ لٹ رہے ہوتے ہیں تب فائر نہیں کرتے۔ گولی چلانی ہے تو عوام کی حفاظت کے لیے چلائیں۔

مزید پڑھیں: ناظم آباد میں بس پر فائرنگ، 3 افراد زخمی

ملزم اہلکار نے بیان میں کہا کہ گاڑی سے بچاؤ بچاؤ کی آواز آرہی تھی۔ ملزم کا کہنا تھا کہ اس نے جوابی فائر کیا تھا۔

عدالت نے بیان کے بعد ملزم کو مزید تفتیش کے لیے 3 روزہ ریمانڈ پر پولیس کی تحویل میں دے دیا۔

یاد رہے کہ گزشتہ روز کراچی کے علاقے ناظم آباد نمبر 2 میں عید گاہ گراؤنڈ کے قریب مسافر بس پر فائرنگ کا واقعہ پیش آیا تھا۔ فائرنگ کے نتیجے میں 3 افراد زخمی ہوئے تھے جن کی شناخت مہتاب، عمیر اور گولانوں کے نام سے ہوئی۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top