The news is by your side.

Advertisement

پولیس اہلکار نے جان داؤ پر لگاکر پولیو ٹیم پر حملہ ناکام بنادیا

پشاور : پولیس کے جوان نے اپنی جان داؤ پر لگاکر پولیو ٹیم پر ہونے والے حملے کو ناکام بنا دیا۔

تفصیلات کے مطابق خیبرپختونخوا میں پولیو کے خاتمے کےلیے مہم جاری تھی کہ اچانک نامعلوم افراد نے پولیس ٹیم پر حملہ کردیا۔

پولیس کا کہنا ہے کہ پولیو ٹیم کی سیکیورٹی پر مامور جوان تلاوت شاہ نے اپنی جان خطرے میں ڈال کر پولیو ٹیم پر حملے کو ناکام بنا دیا۔

فائرنگ کے تبادلے میں پولیس اہلکار زخمی ہوگیا جسے ایچ ایم سی اسپتال میں طبی امداد فراہم کی جارہی ہے۔

پولیس کا کہنا ہے کہ تھانہ سربند کی حدود میں پولیس اہلکار پولیو ٹیم کی سیکیورٹی پر مامور تھا، ایس ایس پی آپریشن ہارون رشید نے ایچ ایم سی میں زخمی اہلکار کی عیادت کی۔

حملہ آوروں کی تلاش کےلیے پولیس نے بٹہ تل اور اطراف کے علاقوں میں سرچ آپریشن شروع کردیا۔

Comments

یہ بھی پڑھیں