The news is by your side.

Advertisement

کراچی، پولیس اہلکار بھتہ وصولی میں ملوث، ویڈیو منظر عام پر آگئی

کراچی: شہر قائد کے ضلع ساؤتھ میں تعینات پولیس اہلکار کی بھتہ وصولی کی ویڈیو منظر عام پر آگئی۔

تفصیلات کے مطابق کراچی کے ضلع ساؤتھ کا پولیس اہلکار بھتہ وصولی میں ملوث نکلا جس کی ویڈیو منظر عام پر آگئی، اہلکار شاہد خٹک گیسٹ ہاؤس، مساج پارلر سے بھتہ وصول کرتا ہے۔

رپورٹ کے مطابق اہلکار شاہد خٹک منشیات کے اڈوں اور شیشہ کیفے سے بھی بھتہ لیتا ہے اور رقم کی لین دین ایس ایس پی ساؤتھ آفس میں کی جاتی ہے۔

نمائندہ اے آر وائی نیوز کامل عارف کے مطابق پولیس اہلکار شاہد خٹک بھتہ وصول کرتا تھا اور جو رقم ادا نہیں کرتا اس کے کام کو بند کرادیا جاتا تھا، ساؤتھ زون میں پولیس کو بھتہ دے کر غیر قانونی کام جیسے شیشہ کیفے، مساج پارلر اور منشیات کے اڈے چلائے جارہے ہیں۔

ویڈیو اس وقت کی ہے جب یہ اہلکار ہفتہ وصولی کررہا ہے، پولیس کی جانب سے بھتہ ہفتے کی بنیاد پر وصول کیا جاتا ہے، شاہد خٹک ایس ایس پی ساؤتھ آفس کے اندر بھتہ وصول کررہا ہے۔

ذرائع کا کہنا ہے کہ ساؤتھ زون میں یہ اہلکار ماہانہ 70سے 80 لاکھ روپے بھتہ وصول کرتا ہے۔

واضح رہے کہ گزشتہ روز اسلام آباد میں پولیس اہلکار کی رشوت طلب کرنے کی ویڈیو منظر عام پر آئی تھی، کار سوار سے کاغذات نہ ہونے پر رشوت طلب کی گئی تھی جبکہ برابر میں بیٹھے شخص نے ویڈیو بنالی تھی۔

Comments

comments

یہ بھی پڑھیں