The news is by your side.

Advertisement

کراچی: حساس اداروں اور پولیس کا مشترکہ آپریشن، 3 دہشت گرد ہلاک

کراچی: حساس اداروں اور پولیس نے مشترکہ آپریشن کرتے ہوئے شہرقائد میں تین دہشت گردوں کو ہلاک کردیا۔

تفصیلات کے مطابق کراچی کے علاقے ناردرن بائی پاس خدا بخش گوٹھ میں دہشت گردوں سے حساس اداروں کا مقالبہ ہوا فائرنگ کے تبادلے میں تین دہشت گرد ہلاک ہوگئے۔

پولیس حکام کا کہنا ہے کہ فائرنگ کے تبادلے میں 3 دہشت گرد ہلاک ہوئے جبکہ 2 فرار ہونے میں کامیاب ہوگئے، دہشت گردوں سے 4دستی بم، 2کلاشنکوف اور ایک خود کش جیکٹ برآمد ہوئی۔

دہشت گرد کراچی میں تخریب کاری کی منصوبہ بندی کررہے تھے۔

کراچی: پولیس موبائل پر دستی بم حملہ، جوابی کارروائی میں دہشت گرد ہلاک

خیال رہے کہ گذشتہ ماہ شہرقائد میں سائٹ سپرہائی وے پولیس موبائل پر دہشت گردوں نے دستی بم سے حملہ کیا تھا جبکہ پولیس کی جوابی کارروائی میں ایک دہشت گرد ہلاک ہوگیا تھا۔

گذشتہ ماہ کے دوران پولیس نے متعدد کارروائیاں کرتے ہوئے درجنوں ملزمان کو حراست میں بھی لیا تھا، جبکہ شہر میں بڑھتے ہوئے جرائم کو روکنے کے لیے بھی پولیس اقدامات کررہی ہے۔

Comments

comments

یہ بھی پڑھیں