کراچی : شہر قائد میں رات گئے پولیس نے مختلف علاقوں میں سرچ آپریشن کے دوران تین ملزمان سمیت اکیس افراد کو گرفتار کرلیا.
تفصیلات کے مطابق بوٹ بیسن پولیس نے رات گئے نیلم کالونی اور شیریں جنا ح کالونی میں سرچ آپریشن کرتے ہوئے گھر گھر تلاشی کے دوران 3 ملزمان سمیت 20 افراد کو حراست میں لے لیا.
پولیس کا کہنا ہے کہ حراست میں لیے گئے 3 ملزمان کے قبضے سے اسلحہ بھی برآمد کیا گیاجبکہ باقی 17 مشتبہ افراد سے پوچھ گچھ جاری ہے.
- Advertisement -
دوسری جانب عوامی کالونی پولیس نے کورنگی 5 آئی ایریا میں چھاپہ مار کر 2 اسٹریٹ کرمنلز اجمل اور اویس کو گرفتار کر کے ان کے قبضے سے اسلحہ اور چھینے گئے 4 موبائل فونز برآمد کر لیے.
ادھر سائٹ ایریا پولیس نے اسنیپ چیکنگ کے دوران 2 ملزمان عامر رحمٰن اور شوکت کو گرفتار کر کے ان کے قبضے سے منشیات اور اسلحہ برآمد کر لیا.
