چلاس میں اسکول جلانےوالوں کےخلاف آپریشن‘ ایک دہشت گرد ہلاک -
The news is by your side.

Advertisement

چلاس میں اسکول جلانےوالوں کےخلاف آپریشن‘ ایک دہشت گرد ہلاک

گلگت: گلگت بلتستان کے ضلع دیامر میں اسکول نذر آتش کرنے والے دہشت گردوں کے خلاف آپریشن میں ایک دہشت گرد ہلاک جبکہ 5 کوگرفتارکرلیا گیا۔

تفصیلات کے مطابق دیامرمیں چلاس کے علاقے تانگیر میں پولیس کی جانب سے اسکولوں کو نذر آتش کرنے کے خلاف آپریشن کیا گیا، اس دوران دہشت گردوں اور پولیس کے درمیان فائرنگ کے تبادلے میں ایک دہشت گرد مارا گیا۔

پولیس کے مطابق ہلاک ملزم گزشتہ روز پولیس اہلکار کی شہادت میں ملوث تھا جبکہ پولیس نے آپریشن کے دوران 5 ملزمان کو گرفتار بھی کیا۔

ترجمان گلگت بلتستان حکومت نے بتایا کہ اسکولزجلانے میں ملوث عناصرنے ماضی میں سیکیورٹی اہلکاروں کوبھی نشانہ بنایا۔ سیکیورٹی اداروں کے سرچ آپریشن میں ایک دہشت گرد ہلاک ہوا۔

ترجمان فیض اللہ فراق کا کہنا ہے کہ ہلاک دہشت گرد کی شناخت شفیق کے نام سے ہوئی، دہشت گردوں کے ٹھکانوں سے خودکش جیکٹ، دستی بم اوراسلحہ برآمد ہوا۔

ترجمان گلگت بلتستان حکومت نے بتایا کہ اب تک 30 مشتبہ افراد گرفتارکیے جا چکے ہیں۔

انہوں نے کہا کہ گلگت بلتستان حکومت دہشت گردوں کا مکمل خاتمہ کرے گی، اسکولزجلانے والوں کوکیفردارتک پہنچائیں گے۔

فیض اللہ فراق کے مطابق بہت جلد اسکولوں پر حملے کے مرکزی کردار کو بے نقاب کریں گے۔

دیامر میں اسکولوں کو آگ لگانے والے دہشت گردوں کے خلاف آپریشن، اہل کار شہید

یاد رہے کہ گزشتہ روز دیامر میں اسکولوں کو آگ لگانے والے دہشت گردوں کے خلاف تانگیر میں سیکورٹی فورسز کے آپریشن میں دہشت گردوں کی فائرنگ سے ایک سیکورٹی اہل کار شہید اور تین زخمی ہوگئے تھے۔

چلاس میں لڑکیوں کے 12 اسکول نذر آتش

واضح رہے کہ دو روز قبل گلگت بلتستان کے ضلع دیامرکے علاقے چلاس میں جمعرات اور جمعہ کی درمیانی شب نامعلوم تعلیم دشمن شرپسندوں نے 12 اسکولوں میں توڑ پھوڑ کرتے ہوئے آگ لگا دی تھی۔

Comments

comments

یہ بھی پڑھیں