The news is by your side.

Advertisement

کراچی میں پولیس کا کومبنگ آپریشن، 8 مشتبہ افراد گرفتار

کراچی: شہرقائد میں پولیس نے ریپڈ ریسپونس فورس کے ہمراہ کومبنگ آپریشن کرتے ہوئے آٹھ مشتبہ افراد کو گرفتار کرلیا۔

تفصیلات کے مطابق کراچی کے علاقے سہراب گوٹھ میں پولیس کا ریپڈریسپونس فورس کے ہمراہ کومبنگ آپریشن مکمل کرلیا گیا، اس دوران گھر گھر تلاشی لی گئی۔

ایس ایس پی ملیر کا کہنا ہے کہ کامبنگ آپریشن ایوب گوٹھ، جمالی گوٹھ، نورخان گوٹھ، لاسی گوٹھ اور سائیں داد گوٹھ سمیت اطراف کےعلاقوں میں مشکوک اور مشتبہ افراد کی موجودگی کی اطلاع پر کیا گیا۔

ان کے مطابق سب ڈویژنل آفیسر سہراب گوٹھ کی سربراہی میں پولیس اورریپڈریسپونس فورس کی بھاری نفری کے ساتھ خواتین پولیس اہلکار بھی علاقے میں موجود رہیں۔

کراچی: پولیس موبائل پر دستی بم حملہ، جوابی کارروائی میں دہشت گرد ہلاک

پولیس نے آٹھ مشکوک افراد کو حراست میں لے کر تھانے منتقل کردیا جہاں زیرِحراست افراد کے کوائف کی جانچ پڑتال اور بائیومیٹرک تصدیق کی جائے گی۔

یاد رہے کہ گذشتہ دنوں شہرقائد میں سائٹ سپرہائی وے پولیس موبائل پر دہشت گردوں نے دستی بم سے حملہ کیا تھا، پولیس کی جوابی کارروائی میں ایک دہشت گرد ہلاک ہوگیا تھا۔

Comments

comments

یہ بھی پڑھیں