The news is by your side.

Advertisement

لاہور : خاتون ڈاکٹر سمیت 3 بچوں کے قتل کا مقدمہ درج

لاہور : خاتون ڈاکٹر سمیت 3بچوں کے قتل کامقدمہ درج کرلیا گیا تاہم جناح اسپتال میں تاحال لاشوں کا پوسٹمارٹم نہ ہو سکا۔

تفصیلات کے مطابق پنجاب کے دارلحکومت لاہور کے علاقے کاہنہ میں 4 افراد کے قتل کا مقدمہ درج کرلیا گیا، پولیس کا کہنا ہے کہ مقدمہ مقتولہ ڈاکٹر کے بیٹے علی زین کی مدعیت میں نامعلوم افراد کیخلاف درج کیا گیا۔

ایف آئی آر میں کہا گیا کہ 8 سالہ فاطمہ ڈاکٹر ناہید کی لے پالک بچی تھی، مقتولین کی اہل خانہ کوہمسائےنےاطلاع دی، ہمسایہ موٹر پمپ چلانے آیا تو دروازہ کھلا پایا۔

دوسری جانب جناح اسپتال میں خاتون ڈاکٹر سمیت 3بچوں کی لاشوں کا تاحال پوسٹمارٹم نہ ہو سکا ، اسپتال انتظامیہ کا کہنا ہے کہ کسی پولیس یامدعی کی ابھی درخواست موصول نہیں ہوئی، پولیس کی جانب سے قانونی کاغذات ملتے ہی پوسٹمارٹم شروع کیا جائے گا۔

یاد رہے گذشتہ روز لاہور کے علاقے کاہنہ میں ایک گھر سے لیڈی ہیلتھ ورکر سمیت 3 بچوں کی لاشیں برآمد ہوئی تھیں ، تمام افراد کو فائرنگ کرکے قتل کیا گیا تھا۔

پولیس کا کہنا تھا کہ وقوعہ سے 6گھنٹے  قبل گھر کےباہر کھڑی گاڑی مریضہ کی تھی، مریضہ گاڑی میں لیڈی ڈاکٹر سے ٹائم لے کر آئی تھی، گاڑی میں ڈاکٹر ناہید کے گھر آنے والے افراد کا وقوعہ سےتعلق نہیں۔

حکام نے کہا تھا کہ شواہد کی مدد سے ملزمان کو جلد گرفتار کیا جائے گا۔

Comments

یہ بھی پڑھیں