گزشتہ روز لاہور کے علاقے زمان پارک میں ہنگامہ آرائی کے معاملے پر پولیس نے پاکستان تحریک انصاف کے قائدین اور کارکنوں کے خلاف کریک ڈاؤن کا آغاز کر دیا۔
پولیس نے پی ٹی آئی کے 100 سے زائد کارکنان اور قائدین کی فہرستیں جاری کر دیں جنہیں اے اوت بی کیٹیگری میں تقسیم کیا گیا ہے۔ فہرستوں میں مطلوبہ افراد کے تمام کوائف موجود ہیں۔
پولیس نے بتایا کہ ڈویژنل ایس پی کریک ڈاؤن کی نگرانی کر رہے ہیں۔ پولیس نے متعدد افراد کے گھروں اور ڈیروں پر چھاپے مارنے شروع کر دیے گئے۔
سابق چیئرمین اوورسیز پاکستانی کمیشن ضلع لاہورعلی نوید بھٹی کے گھر پر چھاپہ مارا گیا جبکہ ٹاؤن شپ میں پی ٹی آئی رہنما ایڈووکیٹ جمیل سلیم کے گھر بھی پولیس پہنچی۔ رائیونڈ مراکہ کے علاقے میں پی ٹی آئی رہنما فیصل الٰہی کو پولیس نے گرفتار کرلیا۔
پی ٹی آئی کی رہنما مسرت جمشید چیمہ نے ٹوئٹر جاری اپنے بیان میں بتایا کہ اطلاعات ہیں زمان پارک میں گرینڈ آپریشن کیا جائے گا جس کے لیے تیاری کی جا رہی ہے، کارکنان کسی بھی صورتحال کے لیے تیار رہیں۔
انہوں نے کہا کہ کارکنان پورے ملک میں تیار رہیں، اب بس بہت ہوگیا زمان پارک میں دوبارہ آپریشن کیا تو نتائج کے ذمہ دار آپ ہوں گے۔
پولیس ایک بار پھر زمان پارک پر حملے کی تیاری کر رہی ہے. رات کو ہلیشہ چور ڈکیت نکلتے تھے اب محسن نقوی اور رانا ثنا کے غنڈے نکلتے ہیں اور نہتی عوام پر حملہ آور ہو جاتے ہیں. ہم مسلسل اس ظلم کے خلاف سپریم کورٹ سے رجوع کر رہے ہیں.
— Musarrat Cheema (@MusarratCheema) March 19, 2023
