The news is by your side.

شہباز گل پر تشدد کے الزامات : پولیس تحقیقات شروع

اسلام آباد : پولیس نے پی ٹی آئی رہنما شہبازگل پرتشدد کے الزامات کی تحقیقات شروع کردیں۔

تفصیلات کے مطابق شہبازگل پر تشدد کے الزامات کے حوالے سے ڈی آئی جی ہیڈ کوارٹراسلام آباد کی زیرصدارت اہم اجلاس ہوا۔

جس میں تفتیشی ٹیم اوراعلیٰ پولیس حکام نےشرکت کی، ذرائع نے بتایا کہ اجلاس میں شہباز گل کی خوراک سےمتعلق بھی مکمل نگرانی کرنے کا فیصلہ کیا گیا ہے۔

پولیس نے تشدد کے الزام پر بیانات قلمبند کرنا شروع کردیے، انکوائری کے دوران ڈاکٹرز کے بیان بھی لے لئے گئے۔

تشدد سے متعلق انکوائری کی نگرانی آئی جی اسلام آباد خود کر رہے ہیں۔

یاد رہے گذشتہ روز چیئرمین پی ٹی آئی عمران خان نے الزام لگایا تھا کہ شہبازگل کو توڑنے کےلیےذلیل کیا گیا، جس میں شہباز گل پر ذہنی اور جسمانی تشدد میں زیادتی بھی شامل ہے۔

عمران خان کا کہنا تھا کہ میرے پاس مکمل تفصیلی معلومات ہیں، تمام تصویریں اورویڈیوثابت کرتی ہیں کہ گل پرتشدد ہوا۔

چیئرمین پی ٹی آئی نے سوال کیا کہ اسلام آباد پولیس کہتی ہے اس نے کوئی تشدد نہیں کیا ، پھرمیرا سوال یہ ہے شہباز گل پر تشدد کس نےکیا؟

Comments

یہ بھی پڑھیں