لاہور: سانحہ گلشن اقبال پارک کے خودکش بمبار کے تیار کیے گئے خاکے کا نادرا کی جانب سے کوئی ریکارڈ نہیں مل سکا۔
حساس اداروں نے سانحہ لاہور کے خودکش بمبار کا خاکہ نادرا کو بھجوایا تھا لیکن نادرا آفس سے اس کا ریکارڈ نہیں مل سکا۔
نادرا سے ریکارڈ نہ ملنے کے باعث تفتیش آگے نہ بڑھ سکی، پولیس ذرائع کا کہنا ہے کہ مزید پیشرفت کے لیے فرانزک لیب اور ڈی این اے ٹیسٹ کا انتظار کیا جارہا ہے۔
جائے وقوعہ سے کچھ انسانی اعضا فرانزک لیب ڈی این اے ٹیسٹ کے لیے بھجوائے گئے تھے جن کی رپورٹ کے بعد ڈی این اے ٹیسٹ کی رپورٹ نادرا کو بھیجی جائے گی جس کے بعد پتہ چل سکے گا کہ خودکش حملہ آورکون تھا۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں