اسلام آباد : تحریک انصاف کے رہنما شہباز گل کی میڈیکل رپورٹ عدالت میں جمع کرا دی گئی۔
تفصیلات کے مطابق پولیس نے تحریک انصاف کے رہنما شہباز گل کی میڈیکل رپورٹ عدالت میں جمع کرا دی۔
شہباز گل کی میڈیکل رپورٹ ڈسٹرکٹ عدالت میں جمع کرائی گئی ، جس میں بتایا گیا کہ 4 سینئر ڈاکٹرز پر مشتمل ٹیم نے شہباز گل کا طبی معائنہ کیا۔
میڈیکل رپورٹ میں کہا گیا کہ شہبازگل کو بچپن سے سانس کا مسئلہ ہے، ضرورت پڑھنے پر برونکڈیلٹر استعمال کرتے ہیں۔
رپورٹ میں بتایا گیا کہ شہبازگل کو سانس میں مسئلہ اور وہ جسم میں درد محسوس کررہے ہیں۔
میڈیکل رپورٹ میں کہنا تھا کہ کندھے، گردن اور چھاتی کے بائیں جانب شہبازگل کودرد ہے، شہباز گل کا فوراً ای سی جی کیا گیا تھا۔
میڈیکل بورڈ نے مشورہ دیا کہ شہبازگل کا ایکس رے ، یورین،دل کا ٹیسٹ کرنا ضروری ہے، شہبازگل کے مزید طبی معائنے کی ضرورت پڑھ سکتی ہے۔
