The news is by your side.

Advertisement

پولیس کی بڑی کامیابی، نومولود بچوں کو اغوا کرنے والا گینگ پکڑا گیا

کراچی: شہرقائد کے علاقے اورنگی ٹاؤن میں سرکاری اسپتال کے قریب پولیس نے چھاپہ مار کر نومولود بچوں کو اغوا کرنے والا گینگ پکڑ لیا۔

تفصیلات کے مطابق ایس ایس پی ویسٹ فداحسین کا کہنا ہے کہ نومولود بچوں کو اغوا کرنے والا گینگ پکڑا گیا، کارروائی کے دوران خاتون سمیت2 ملزمان کو گرفتار کیا گیا ملزمان نومولود بچے کو اغوا کرنے کی کوشش کررہے تھے۔

ایس ایس پی کا کہنا تھا کہ ملزمان قطر اسپتال کے قریب وارداتیں کرتے تھے، گینگ کے مزید کارندوں سے تفتیش کی جارہی ہے، ممکن ہے گروہ کے مزید ارکان ہوں جن کی گرفتاری کے لیے بھی چھاپے مارے جائیں گے۔

کراچی سے بچے پراسرار طور پر لاپتہ ہونے لگے

دوسری جانب شہرقائد کے علاقے سرجانی ٹاؤن سے بچے پراسرار طور پر لاپتہ ہونے لگے ہیں، ڈھائی سال کے ایان کے بعد رمضان گوٹھ سے 9سال کی بچی لاپتہ ہوگئی۔

سرجانی ٹاؤن میں بچوں کے لاپتہ ہونے کے واقعات میں اضافہ ہوتا جارہا ہے۔ تاہم سرجانی ٹاؤن پولیس لاپتہ بچوں کا اب تک سراغ نہیں لگا سکی۔ لاپتہ بچوں کے والدین نے انتظامیہ سے نوٹس لینے کا مطالبہ کیا ہے۔

fb-share-icon0
Tweet 20

Comments

comments

یہ بھی پڑھیں