The news is by your side.

Advertisement

لاہور میں‌ پولیس کی حراست میں اقدام قتل کے ملزم کی موت

لاہور: پنجاب کے دارالحکومت لاہور میں پولیس کی حراست میں اقدام قتل کا ملزم مشتاق ہلاک ہوگیا۔

اے آر وائی نیوز کی رپورٹ کے مطابق لاہور میں تھانہ مناواں پولیس کی حراست میں اقدام قتل کا ملزم مبینہ طور پر پولیس کے تشدد سے ہلاک ہوگیا، ملزم پانچ روز سے پولیس حراست میں‌ تھا۔

پولیس کے مطابق مشتاق نامی ملزم کو طبیعت خراب ہونے پر سروسز اسپتال منتقل کیا گیا، ملزم مشتاق کی اسپتال میں موت ہوئی، لاش سرد خانے منتقل کردی گئی ہے۔

ادھر ذرائع کا کہنا ہے کہ ملزم پولیس کی حراست میں تھا اور مبینہ طور پر پولیس کے بہیمانہ تشدد سے اس کی موت واقع ہوئی ہے۔

واضح رہے کہ پولیس نے اقدام قتل کے ملزم کو کامیاب کارروائی کے بعد حراست میں لے کر اسلحہ برآمد کیا تھا۔

پولیس حراست میں ملزمان کی ہلاکت کا یہ پہلا واقعہ نہیں ہے اس سے قبل بھی پولیس کی حراست میں ملزمان کی ہلاکت پر کوئی کارروائی عمل میں نہیں لاجاتی۔

Comments

یہ بھی پڑھیں