کراچی:پولیس افسر کی وردی پہن کر اغوااور ڈکیتی کی وارداتوں کا انکشاف سامنے ایا، پولیس نے انتہائی مطلوب 3 ملزمان کو گرفتار کرکے پولیس یونیفارم اور 3پستول برآمد کرلی۔
تفصیلات کے مطابق کراچی میں سرجانی پولیس نے کارروائی کرتے ہوئے انتہائی مطلوب 3 ملزمان کو گرفتار کرلیا، ایس ایس پی سہائی عزیز نے بتایا کہ
گرفتار ملزمان سے پولیس یونیفارم اور 3پستول بھی برآمد ہوئی۔
سہائی عزیز کا کہنا تھا کہ گرفتار ملزمان میں مرزا شاہد ، بابر علی اورعبدالرافع شامل ہیں ، ملزمان پولیس یونیفارم پہن کر واردات کرتے تھے۔
ایس ایس پی نے بتایا کہ ملزمان نے پولیس بن کر 22 جنوری کو جمشید نامی شہری کو روکا اور گھر کے قریب سے ہی اغواکرکے لےگئے جبکہ اگلے روز پھر یونیفارم میں ہی مغوی کو اس کے گھر تک لائے۔
سہائی عزیز کا کہنا تھا کہ تلاشی کے بہانے گھر میں نقدی اور قیمتی سامان لوٹا اور واردات کے بعد ملزمان جمشید کو چھوڑ کر فرار ہوگئے، سرجانی پولیس نے مغوی سے تمام معلومات حاصل کرلیں۔
نذیر شاہ کراچی میں اے آر وائی نیوز سے وابستہ سینئر صحافی اور کرائم رپورٹر ہیں، وہ 14 سال سے زائد عرصے سے اپنے شعبے میں مصروف عمل ہیں اور انویسٹیگیٹو نیوز بریکنگ میں مہارت رکھتے ہیں، اور کراچی کے جرائم اور پولیس نظام سے متعلق گہری سمجھ بوجھ کے حامل ہیں۔