The news is by your side.

Advertisement

کوئٹہ، فائرنگ سے پولیس اہلکار دوست سمیت جاں بحق

کوئٹہ : نامعلوم افراد موٹر سائیکل سواروں کی فائرنگ سے پولیس اہلکار سمیت دو افراد بحق ہوگئے ہیں، پوسٹ مارٹم کے بعد میتوں کو پوسٹ مارٹم کے بعد لواحقین کے حوالے کردیا گیا ہے۔

تفصیلات کے مطابق کوئٹہ کے علاقے جناح ٹاؤن میں نامعلوم موٹر سائیکل سواروں نے فائرنگ کر کے ایک شخص کو ہلاک جب کہ دوسرے شخص کو شدید زخمی کردیا، ملزمان فائرنگ کے بعد بآسانی فرار ہونے میں کامیاب ہو گئے۔

ریسکیو دارے نے فوری طور پر موقع پر پہنچ کر ہلاک اور زخمی ہونے والے شخص کوسول اسپتال کوئٹہ منتقل کیا، جہاں زخمی شخص دورانِ علاج زخموں کی تاب نہ لاتے ہوئے خالق حقیقی سے جا ملا، پوسٹ مارٹم کے بعد دونوں میتوں کو لواحقین کے حوالے کردیا گیا ہے۔

پولیس کے مطابق دونوں افراد کو جناح ٹاﺅن کے علاقے میں کلی شابو میں نامعلوم موٹر سائیکل سواروں نے دو افراد کو فائرنگ کا نشانہ بنایا گیا، پہلے شخص شناخت پولیس اہلکار حبیب اللہ بازئی جب کہ دوسرے شخص کی شناخت پولیس اہلکار کے دوست وحید کے نام سے ہوئی ہے۔

پولیس کا کہنا ہے کہ جاں بحق ہونے والے پولیس اہلکار اور اس کا دوست ایک نجی اسکول میں شراکت دار بھی تھے اور وقوعہ کے وقت دونوں کھانا کھانے جا رہے تھے کہ نامعلوم افراد نے فائرنگ کر کے ہلاک کردیا۔

پولیس کا حکام کا کہنا ہے کہ واقعہ کا مختلف پہلوﺅں سے تفتیش کی جا رہی ہے اور جلد ہی ملزمان کو گرفتار کر کے قانون کے کٹہرے میں کھڑا کیا جائے گا۔

Print Friendly, PDF & Email

Comments

comments

یہ بھی پڑھیں