site
stats
پاکستان

کوئٹہ: پولیس اہلکاروں پر فائرنگ، 1 اہلکار شہید، 2 زخمی

کوئٹہ: صوبہ بلوچستان کے دارالحکومت کوئٹہ میں معمول کے گشت پر مامور پولیس اہلکاروں پر فائرنگ کردی گئی جس میں ایک اہلکار شہید ہوگیا۔

تفصیلات کے مطابق کوئٹہ کے فقیر محمد روڈ پر نامعلوم مسلح ملزمان نے گشت پر مامور پولیس اہلکاروں پر فائرنگ کردی جس کے نتیجے میں ایک اہلکار کانسٹیبل علی محمد موقع پر ہی دم توڑ گیا۔

فائرنگ میں 2 مزید پولیس اہلکار جبکہ ایک راہگیر بچہ بھی زخمی ہوگئے جنہیں فوری طور پر کوئٹہ سول اسپتال منتقل کردیا گیا۔

پولیس کے مطابق واقعے کے بعد ملزمان باآسانی فرار ہوگئے۔

واقعے کے بعد پولیس اور دیگر قانون نافذ کرنے والے اداروں نے جائے وقوع کو گھیرے میں لے لیا اور آس پاس کے علاقوں میں ملزمان کی تلاش شروع کردی گئی۔ واقعے کی مزید تحقیقات بھی کی جارہی ہیں۔

یاد رہے کہ گزشتہ چند ماہ میں بلوچستان میں پولیس سمیت کئی سیکیورٹی اداروں کے اہلکاروں کو حملوں کا نشانہ بنایا جا چکا ہے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top