The news is by your side.

Advertisement

قومی پولیو مہم، سخت سیکیورٹی میں جاری

کراچی : ملک بھر میں پانچ روزہ قومی انسدادپولیومہم فول پروف سیکیورٹی میں جاری ہے، کراچی میں دو ہزار سے زائد رینجرزاہلکار سیکیورٹی پر تعینات ہیں، رینجرز نے عوام سے شرپسندوں کی فوری اطلاع دینے کی اپیل کی ہے ۔

گزشتہ روز کوئٹہ میں انسداد پولیو مہم کے مرکز کے قریب دھماکا کے بعد بھی قومی پولیو مہم جاری رہی، پانچ روزہ قومی پولیو مہم کا آج چوتھا روز ہے اور کراچی کے تمام اضلاع سمیت ملک بھر میں پولیو مہم کے دوران سیکیورٹی کے فول پروف انتظامات کئےگئےہیں۔

ترجمان رینجرز کے مطابق کراچی میں مہم کی سیکیورٹی کو یقینی بنانے کیلئے رینجرز کے 2500اہلکار تعینات کئے گئے ہیں جبکہ 170 موبائل اور 125موٹرسائیکل اسکواڈ بھی سیکیورٹی پر مامور ہیں ۔

رینجرز نے شہریوں سے اپیل کی ہے کہ شرپسندعناصرکی اطلاع فوری1101پراطلاع دیں، شہر کی 186یونین کونسل میں 7ہزار سے زائد ٹیمیں 20لاکھ سے زائد بچوں کو پولیو کے قطرے پلانے کا حدف مکمل کریں گی ۔

کمشنر کراچی کے مطابق تین روزہ پولیو مہم کے دوران95فیصد حدف مکمل کرلیا ہے ،پانچ فیصد حدف مزید دو روز میں حاصل کرلیا جائے گا۔ کمشنر کراچی نے تمام ڈی ایچ اوز اور ڈپٹی کمشنرز کو سپورٹ سینٹرز کا دورہ کرنے کی ہدایت کی ہے۔

Comments

comments

یہ بھی پڑھیں