اسلام آباد : معاون خصوصی ڈاکٹر ظفر مرزا کا کہنا ہے کہ انشااللہ 20جولائی سے دوبارہ انسداد پولیو مہم شروع ہورہی ہے ، والدین سے تعاون کی درخواست ہے۔
تفصیلات کے مطابق معاون خصوصی ڈاکٹر ظفر مرزا نے سماجی رابطے کی ویب سائٹ ٹوئٹر پر اپنے پیغام میں کہا کہ انشااللہ 20جولائی سے دوبارہ انسداد پولیو مہم شروع ہورہی ہے، مہم میں 32 ہزار سےزیادہ ورکرز 8 لاکھ بچوں کو حفاظتی قطرے پلائیں گے، کورونا وبا سےویکسین سےتدارک کرنےوالی بیماریوں کا خدشہ زیادہ ہوگیا تھا، والدین سے تعاون کی درخواست ہے۔
<332> Polio Supplemental Immunization resume from 20 July, Inshallah. Over 32k valiant workers to vaccinate almost 800k children in high risk areas observing full precautions. COVID-19 has escalaated risk of all vaccine preventable diseases. Parents’ cooperation is requested. pic.twitter.com/7WGltuFPzb
— Zafar Mirza (@zfrmrza) July 15, 2020
یاد رہے حکومت نے ملک میں خصوصی انسداد پولیو مہم چلانے کا فیصلہ کرتے ہوئے کہا تھا کہ انسداد پولیو مہم چاروں صوبوں کے مخصوص علاقوں میں چلائی جائے گی۔
ذرائع کے مطابق خصوصی پولیو مہم ٹارگٹڈ کیس رسپانس کے نام سے چلائی جائے گی،مہم کا آغاز رواں ماہ 20 جولائی سے ہو گا،خصوصی انسداد پولیو مہم میں 8 لاکھ بچوں کی ویکسی نیشن ہوگی۔
ذرائع وزارت صحت کا کہنا ہے کہ رواں سال کی آخری انسداد پولیو مہم مارچ میں چلائی گئی تھی، کوروناکےباعث مارچ2020کےبعدپولیومہم نہیں چلائی جا سکیں۔
رواں سال ملک میں 58 پولیو کیس سامنے آچکے ہیں، پولیو مہم میں کورونا سے حفاظت کیلئے خصوصی انتظامات کئے جائیں گے، پولیو ورکرز، سیکورٹی اہلکاروں کو کورونا حفاظتی کٹس فراہم کی جائیں گی جبکہ مہم کیلئے کورونا حفاظتی کٹس صوبے اور این ڈی ایم اے فراہم کریں گے۔
