site
stats
سندھ

کراچی : سینئرسیاستدان معراج محمدخان انتقال کر گئے

کراچی : سینئر سیاستدان معراج محمد خان گزشتہ رات طویل علالت کےبعد 77سال کی عمر میں رضائے الہیٰ سےانتقال کرگئے، ان کی نماز جنازہ آج کراچی میں ادا کی جائےگی.

تفصیلات کے مطابق سینئر سیاستدان معران محمد خان 77سال کی عمر میں انتقال کرگئے،ان کی نماز جنازہ بعد نماز جمعہ سلطان مسجد ڈیفنس میں ادا کی جائے گی اور تدفین ڈیفنس قبرستان میں ہوگی.

مرحوم معراج محمد خان ملکی سیاست میں معتبر مقام رکھتے تھے،وہ سابق وزیراعظم ذوالفقار علی بھٹو کے قریبی ساتھی تھے،انہوں نے نےجنرل ایوب خان کےمارشل لاءکےزمانےمیں طلبا سیاست میں اہم کرداراداکیا،انہوں نےجنرل ایوب کےدور میں مارشل لاءکے خلاف تحریک شروع کی،جس کے نتیجے میں 12طالبعلم رہنماﺅں کے ساتھ انہیں شہر بدرکیا گیا.

معراج محمد خان نے ہمیشہ ظلم کاشکار طبقے کےحقوق کے لیے جدوجہد کی،وہ ایک عرصے تک پاکستان پیپلزپارٹی سےمنسلک رہےتاہم بعدازاں انہوں نےاپنی تنظیم قومی محاذِآزادی بنائی.

اس کے بعد انہوں نے پاکستان تحریک انصاف میں شمولیت اختیار کی اورپارٹی کےجنرل سیکرٹری کے عہدے پر فائض رہے لیکن عمران خان سےاختلافات کے بعد انہوں نے نہ صرف تحریک انصاف بلکہ عملی سیاست سے بھی کنارہ کشی اختیار کرلی تھی.

یا درہے مرحوم پی ایف یو جے کے سابق صدراورصحافیوں کے رہنمامہناج برنا اورمعروف شاعر وہاج محمد خان کے چھوٹے بھائی تھے.

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top