The news is by your side.

Advertisement

پاک بھارت میچ: سیاستدانوں کی قومی ٹیم کے لیے نیک خواہشات

اسلام آباد: پاک بھارت میچ کے حوالے سے سیاستدانوں نے بھی قومی ٹیم کو اہم مشورے دیتے ہوئے کہا ہے کہ وہ بے خوف ہوکر میدان میں اتریں اور روایتی حریف کو پچھاڑ دیں۔

تفصیلات کے مطابق ورلڈکپ کا سب سے اہم ٹاکرا کل مانچسٹر میں ہوگا، محکمہ موسمیات نے بارش کی پیش گوئی کی ہے جس کی وجہ سے میچ بارش کی نذر ہونے کا خدشہ ہے۔

سینیٹر فیصل جاوید خان

سینٹرفیصل جاوید نے قومی کرکٹ ٹیم کےنام پیغام جاری کرتے ہوئے کہا ہے کہ ‘‘پیارےکھلاڑیو!بےخوف ہوکرمیدان میں اترو، چیمپئنزٹرافی کےفائنل کی طرح اپنےروایتی حریف کوپچھاڑدو، وزیراعظم عمران خان کی طرح تم بھی قوم کاسرفخرسےبلندکردو‘‘۔

مزید پڑھیں: ورلڈکپ 2019: پاک بھارت میچ بارش کی نذر ہونے کا خدشہ

اُن کا کہنا تھا کہ وزیراعظم عمران خان نےبھی ہمیشہ قوم کے لیے فخرسمیٹاہے، اپنی ہمت اپنےجذبے بلندرکھو،قوم تمہاری فتح کیلئےدعاگوہے۔

معاونِ خصوصی برائے اطلاعات

فردوس عاشق اعوان نے قومی ٹیم کے لیے نیک خواہشات کا اظہار کرتے ہوئے کہا کہ پاکستانی کھلاڑی بہادرسپوت ہیں،ان کے لیے پوری قوم دعا گو ہے، ہماری دعائیں قومی ٹیم کےساتھ ہیں، پاکستانی کھلاڑی اللہ پرتوکل کرکےمیدان میں اتریں اور یکجہتی ، ٹیم ورک کے ساتھ کھیل پیش کریں۔

اُن کا مزید کہنا تھا کہ پوری قوم ایک ہی نعرہ لگارہی ہے’’آ دل جیت کےآ‘‘۔

وفاقی وزیر ریلوے شیخ رشید احمد

وفاقی وزیر ریلوے شیخ رشید احمد نے قومی ٹیم کے لیے نیک خواہشات کا اظہار کرتے ہوئے کہا کہ ’’پاک بھارت میچ کرکٹ پلس کی حیثیت رکھتا ہے، پوری قوم کی دعائیں پاکستانی ٹیم کےساتھ ہیں‘‘۔

اُن کا کہنا تھا کہ ٹیم پورےحوصلے،جواں مردی اور بہادری کے ساتھ میدان میں اترے، انشاء اللہ کامیابی اور سرفرازی پاکستانی ٹیم کامقدربنےگی، ہم بھارت کو بتا دیں گے کہ پاکستانی ٹیم اور عوام کسی سے کم نہیں ہیں۔

Comments

comments

یہ بھی پڑھیں