یوم یکجہتی کشمیر، سیاسی رہنماؤں کا کشمیریوں سے یکجہتی کا اظہار ، قربانیوں کوسلام پیش
The news is by your side.

Advertisement

یوم یکجہتی کشمیر، سیاسی رہنماؤں کا کشمیریوں سے یکجہتی کا اظہار ، قربانیوں کوسلام پیش

اسلام آباد : یوم یکجہتی کشمیر کے موقع پر سیاسی رہنما نے کشمیریوں سے اظہارِ یکجہتی کرتے ہوئے بھارت کی کشمیر میں ریاستی دہشت گردی کی مذمت کی اور کشمیری عوام کی قربانیوں کوسلام پیش کیا۔

تفصیلات کے مطابق بھارت کے غاصبانہ قبضے کیخلاف دنیا بھر میں آج یوم یکجہتی کشمیر منایا جارہا ہے ، یوم یکجہتی کشمیر پر شاہ محمود قریشی نے لندن سے خصوصی پیغام میں کہا پاکستانی مقبوضہ کشمیر کے کشمیریوں سے اظہار یکجہتی کررہے ہیں، بڑی ہمت، حوصلے اور تدّبر سے بربریت کا مقابلہ کیا ہے، خوشی ہوتی اگر حریت قیادت آج آزاد ہوتی ، انہیں اظہار کا موقع ملتا۔

شاہ محمودقریشی کا کہنا تھا کہ کاش لوگ سنگینوں کے نیچے آزادی کے نعرے نہ لگا رہے ہوتے، کشمیریوں کو ان کا حق مل کر رہے گا، یہ واضح ہوچکا ہے کشمیریوں کی تحریک کامیاب ہوکررہےگی۔

وزیر خارجہ نے کہا پاکستان کا بچہ بچہ، دانشور طبقہ کشمیریوں کے ساتھ کھڑا ہے، کشمیری عوام کی قربانیوں کوسلام پیش کرتےہیں ، حق خودارادیت کیلئے جدوجہد جاری رکھنے والوں کو سلام۔

پاکستان کشمیریوں کی جد وجہد میں ان کے ساتھ کھڑا ہے، اسد عمر


وزیر خزانہ اسد عمر کا سماجی رابطے کی ویب سائٹ ٹویٹر پر یوم یکجہتی کشمیر کے موقع پر اپنے پیغام میں کہنا تھا کہ ہم نڈرکشمیریوں کو خراج تحسین پیش کرتے ہیں، نڈرکشمیری غیر انسانی ظلم کا سامنا کرنے کے باوجود ہارے نہیں، کشمیری اپنے حق خود ارادی کےلیے جدوجہد جاری رکھےہوئے ہیں، پاکستان کشمیریوں کی جد وجہد میں ان کے ساتھ کھڑا ہے۔

نہتے کشمیریوں پرپیلٹ گن کےاستعمال نےبھارت کا چہرہ بے نقاب کر دیا، فیصل واوڈا


وفاقی وزیر آ بی وسائل فیصل واوڈا نے یوم یکجہتی کشمیر پر پیغام میں کہا نہتے کشمیریوں پرپیلٹ گن کےاستعمال نےبھارت کا چہرہ بے نقاب کر دیا، کشمیر میں سب سےبڑی جمہوریت کے دعویدار بھارت کا پول کھل جاتاہے، ہزاروں بے گناہ کشمیریوں نے جدو جہد آزادی میں جانیں قربان کی ہیں۔

وہ دن دور نہیں جب کشمیری عوام آزاد فضاؤں میں سانس لیں گے، شیخ رشید


وزیرریلوے شیخ رشید کا یوم یکجہتی کشمیر پر اپنے پیغام میں کہنا تھا کہ پاکستان اورمقبوضہ کشمیر کے لوگوں کےدل ایک ساتھ دھڑکتے ہیں، وہ دن دور نہیں جب کشمیری عوام آزاد فضاؤں میں سانس لیں گے۔

شہیدوں کا خون رنگ لائے گا، بھارت کا مقدر شکست ہے، بلاول بھٹو


پی پی پی چیئرمین بلاول بھٹو زرداری نے یومِ یکجہتی کشمیر پر اپنے پیغام میں مقبوضہ کشمیر کی عوام سے مکمل یکجہتی کا اظہارکرتے ہوئے کہا کہ شہیدوں کا خون رنگ لائے گا، بھارت کا مقدر شکست ہے ۔

بلاول بھٹو کا کہنا تھا کہ مسئلہ کشمیر کے حل کے بغیر خطے میں امن و خوشحالی کا خواب ادھورا رہے گا، عالمی برادری عدل و انصاف کے تقاضے پورے کرے، مودی کو لگام دے، مقبوضہ وادی میں انسانی حقوق کی خلاف ورزیوں کو روکا جائے، مظلوم کشمیریوں کی جدوجہد کی حمایت جاری رکھیں گے۔

کشمیرکی آزادی ہم سب کامشترکہ خواب ہےاورتعبیرجلدہوگی، خورشیدشاہ


یومِ یکجہتی کشمیر پر پیپلز پارٹی کے رہنما خورشیدشاہ نے اپنے پیغام میں کہا کشمیرکی آزادی ہم سب کامشترکہ خواب ہےاورتعبیرجلدہوگی، پیپلزپارٹی نے کشمیرکاز کیلئے ہمیشہ نمایاں اور بھرپورکردار ادا کیا، کشمیرکی آزادی کیلئےہم کشمیری بھائیوں کیساتھ کھڑے رہیں گے۔

خورشیدشاہ کا کہنا تھا کہ کشمیری عوام کوحق خودارادیت سےمحروم رکھناعالمی طاقتوں کی ناکامی ہے، کشمیرکےمسئلےکاحل پورے خطے کے مفاد کیلئے ضروری ہے، بھارت کو ہٹ دھرمی چھوڑ کر کشمیر مسئلے کے حل کیلئے قدم اٹھانا ہوگا۔

پی پی رہنما نے کہا یورپ اور دیگر ترقی یافتہ ممالک انسانی حقوق کے چیمپئن بنتے نہیں تھکتے، کشمیر میں نہتے مسلمانوں پر مظالم پر ان ممالک کی آنکھیں بند ہیں، کشمیری بھائیوں کی قربانیاں کبھی رائیگاں نہیں جائیں گیں۔

Comments

comments

یہ بھی پڑھیں