The news is by your side.

Advertisement

آزادکشمیر انتخابات کے لئے پولنگ 25 جولائی کو ہوگی

مظفرآباد : آزادکشمیر انتخابات کے لئے پولنگ25 جولائی کو ہوگی، الیکشن کے دوران 32لاکھ 20ہزار 546کشمیری ووٹرز اپنا ووٹ کاسٹ کریں گے۔

تفصیلات کے مطابق آزاد کشمیر قانون سازاسمبلی کے انتخابات کا شیڈول جاری کردیا گیا ہے، چیف الیکشن کمشنرآزادکشمیر کا کہنا ہے کہ آزادکشمیرانتخابات کے لئے پولنگ 25 جولائی کوہوگی، آزاد کشمیر کے 33جبکہ مہاجرین جموں کشمیر کے 12حلقوں میں انتخابات ہوگا۔

چیف الیکشن کمشنر کا کہنا تھا کہ 32 لاکھ 20 ہزار 546 کشمیری ووٹرز اپنا ووٹ کاسٹ کریں گے ، گزشتہ انتخابات کی نسبت 4 انتخابی حلقوں کا اضافہ کیا گیا ہے ، آزاد کشمیر میں مرد ووٹر کی تعداد 15لاکھ 19ہزار 347 اور خواتین ووٹرز کی تعداد 12لاکھ 97ہزار 747 ہے۔

انھوں نے بتایا کہ 21جون تک کاغذات نامزدگی داخل کرائے جا سکیں گے اور 22جون تک کاغذات کی جانچ پڑتال کی جائے گی جبکہ 2 جولائی تک کاغذات کی واپسی ہوگی۔

چیف الیکشن کمشنر کے مطابق 27 جون تک اعتراضات داخل کرائے جا سکیں گے ، 30جون اور یکم جولائی تک اپیلیں کی جا سکیں گی
جبکہ 3جولائی کوحتمی فہرست جاری ہوگی اور 4جولائی کوانتخابی نشانات الاٹہوں گے۔

دوسری جانب آزاد کشمیر انتخابات میں راجہ فاروق حیدرمظفرآباد ڈویژن کے2حلقوں سےانتخابات میں حصہ لیں گے اور شاہ غلام قادربھی ضلع نیلم کے2حلقوں سےالیکشن لڑیں گے۔

ن لیگ کے چوہدری محمدسعیدایل اےتھری میرپورسےانتخابات لڑیں گے جبکہ ایل اےون سےمسعودخالد،ایل اےٹوسےنذیرانقلابی کوٹکٹ جاری کیا گیا ہے۔

ن لیگ نے ایل اےفورسےرخساراحمد،ایل اے5سےوقارنور ، ایل اے6سےراجہ مقصود اور ایل اے7سےطارق فاروق کو ٹکٹ جاری کیا۔

Comments

یہ بھی پڑھیں