The news is by your side.

Advertisement

گھوٹکی میں این اے 205 پرضمنی الیکشن کیلئے پولنگ جاری

گھوٹکی : این اے دو سو پانچ میں ضمنی الیکشن کیلئے پولنگ کا عمل جاری ہے ، پیپلزپارٹی کے سردار محمد بخش مہر اور آزاد امیدوار احمد علی مہر مد مقابل ہے ، نشست سردارعلی محمدمہرکےانتقال کے باعث خالی ہوئی تھی۔

تفصیلات کے مطابق گھوٹکی میں ضمنی الیکشن کا دنگل سج گیا، این اے دو سو پانچ کیلئے پولنگ صبح آٹھ بجے سےجاری ہے، پولنگ کیلئے نہ صرف نوجوان،بوڑھے اورخواتین کی بڑی تعداد پولنگ اسٹیشنز کارخ کررہی ہیں۔

گھوٹکی میں پہلی بار مہر خاندان کے دو افراد مد مقابل ہیں، پیپلز پارٹی کےسردار محمد بخش مہر کا اپنے بھانجے آزاد امیدوار احمد علی مہر سے مقابلہ ہیں۔

حلقہ میں دوسونوے پولنگ اسٹیشن بنائےگئے ہیں جس میں ایک سو پچیس انتہائی حساس قراردیاگیا ہے، پولنگ اسٹیشنز پرسیکیورٹی سخت ترین انتظامات کئےگئے ہیں۔

رینجرز اور پولیس کی بھاری نفری تعینات ہے جبکہ کسی بھی ہنگامی صورت حال پر قابو پانے کیلئے فوجی جوانوں کو بھی تعینات کیاگیا ہے۔

پیپلز پارٹی کے امیدوار سردار محمد بخش خان مہر نے ووٹ کاسٹ کرلیا ہے ، محمدبخش خان مہرنےگورنمنٹ پرائمری اسکول خانگڑھ میں ووٹ کاسٹ کیا اور کہا جیت کے لیے پر امیدہوں، لوگ بلا خوف ووٹ دینے نکلیں۔

دوسری جانب آزاد امیدوار حاجی خان مہر نے بھی اپنا ووٹ کاسٹ کیا، دونوں حریف امیدوارپولنگ اسٹیشن کے اندر ایک دوسرے سے گلے ملے ۔

یاد رہے  قومی اسمبلی کی یہ نشست تحریک انصاف کے ایم این اے سردار علی محمد مہر کے انتقال کے بعد خالی ہوئی تھی۔

Comments

یہ بھی پڑھیں