پولوٹورنامنٹ فائیو کور کراچی نے جیت لیا، سدرن کمانڈ کوئٹہ کو شکست -
The news is by your side.

Advertisement

پولوٹورنامنٹ فائیو کور کراچی نے جیت لیا، سدرن کمانڈ کوئٹہ کو شکست

کوئٹہ : بلوچستان میں پانچ روز سے جاری پولو ٹورنامنٹ فائیو کور کراچی نے جیت لیا،وزیراعلیٰ بلوچستان جام کمال نے کہا کہ پاک فوج کے اقدامات کی بدولت صوبے میں کھیلوں کو فروغ مل رہاہے۔

تفصیلات کے مطابق پاک فوج کے زیر اہتمام کوئٹہ کے پولو گراؤنڈ میں پانچ روز سے جاری پولو ٹورنامنٹ کا فائنل فائیو کور کراچی اور سدرن کمانڈ کوئٹہ کی ٹیموں کے مابین کھیلا گیا جس میں فائیو کور کراچی نے سدرن کمانڈ کوئٹہ کو دو گول سے شکست دے دی۔

ٹورنامنٹ کے اختتام پر منعقدہ تقریب میں وزیراعلیٰ بلوچستان جام کمال خان عالیانی، کمانڈر سدرن کمانڈ لیفٹننٹ جنرل عاصم سلیم باجوہ اور شائقین پولو کی بڑی تعداد نے شرکت کی۔

اس موقع پر تقریب سے خطاب میں وزیراعلیٰ بلوچستان کا کہنا تھا کہ پولو ٹورنامنٹ کا انعقاد بہت بڑاقدم ہے، پاک فوج کی بدولت بلوچستان میں کھیلوں کو فروغ مل رہا ہے۔

تقریب کے اختتام پر کامیاب کھلاڑیوں اور ٹیموں میں ٹرافیاں اور شیلڈز تقسیم کی گئیں، اس موقع پر کمانڈر سدرن کمانڈ نے وزیراعلیٰ بلوچستان کو خصوصی سوینئر پیش کیا۔

Comments

comments

یہ بھی پڑھیں