تازہ ترین

علی امین گنڈاپور وفاق سے روابط ختم کر دیں، اسد قیصر

اسلام آباد: رہنما پاکستان تحریک انصاف اسد قیصر نے...

وزیراعظم شہبازشریف کو امریکی صدر جو بائیڈن کا خط، نیک تمناؤں کا اظہار

واشنگٹن: امریکی صدر جو بائیڈن نے وزیر اعظم شہباز...

بابر اعظم کو دوبارہ قومی ٹیم کا کپتان بنانے کا فیصلہ ہو گیا

پاکستان کرکٹ بورڈ نے بابر اعظم کو ایک بار...

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

انار: خوش ذائقہ پھل جو ہمیں متعدد بیماریوں سے محفوظ رکھتا ہے

کروٹ بدلتے ہوئے موسم نے انار جیسے خوش رنگ اور خوش ذائقہ پھل کو باغات سے بازاروں تک پہنچا دیا ہے اور قدرت کی عطا کردہ یہ نعمت پھلوں کی دکانوں اور ٹھیلوں پر عام دست یاب ہے جسے اپنی خوراک میں‌ شامل کرنا آپ کی صحّت کے لیے مفید ثابت ہو گا۔

انار ایک ایسا پھل ہے جو وٹامن سی، وٹامن بی فائیو، پوٹاشیم اور فائبر سے بھرپور ہوتا ہے۔ یہ پھل اینٹی آکسیڈنٹ اور جراثیم کُش اجزا کے ساتھ ایسی خواص کا حامل ہے جو ہاضمے کی صحّت کے لیے مفید ہیں۔

طبی ماہرین کے مطابق انار کا جوس پینے سے جلد سے کیل مہاسے ختم ہوجاتے ہیں جب کہ اس پھل میں‌ موجود فیٹی ایسڈ بالوں کی جڑیں‌ مضبوط بناتا ہے۔

انار سے متعلق طبی تحقیق کے بعد ماہرین نے بتایا ہے کہ اس پھل میں اینٹی آکسیڈینٹس جاتے ہیں اور اگر انار کا باقاعدہ استعمال کیا جائے، تو یہ چھاتی، بڑی آنت، اور مثانے کے کینسر کے خلاف لڑنے میں مدد دے سکتا ہے۔ طبی محققین کے مطابق انار کے چھلکے میں الیجک ایسڈ موجود ہوتا ہے، جو جلد کے کینسر کو بڑھنے سے روکتا ہے۔

خون کی کمی دور کرنے کے لیے قدیم دور میں‌ بھی طبیب انار تجویز کرتے تھے اور آج طبی سائنس بتاتی ہے کہ انار میں‌ موجود وٹامن سی جسم میں ہیموگلوبن کی سطح بڑھانے میں مدد دیتا ہے۔ طبی ماہرین کے مطابق دورانِ حمل انار کا باقاعدگی سے استعمال انیمیا سے بچاتا ہے۔ اسی طرح اس پھل میں‌ موجود فائٹو کیمیکلز انسانی جسم میں کولیسٹرول اور بلڈ پریشر کم کرتے ہیں۔

Comments

- Advertisement -