تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

نیا کپتان کون؟ سفارشات چیئرمین پی سی بی کو ارسال

پاکستان کرکٹ ٹیم کا وائٹ بال میں نیا کپتان...

مشرقی وسطیٰ میں دہشت گردی کے لیے ایرانی فنڈ کے ذرایع ختم کردیں گے: امریکا

واشنگٹن: امریکا نے ایک بار پھر ایران پر الزام عائد کرتے ہوئے کہا ہے کہ مشرقی وسطیٰ میں دہشت گردی کے لیے ایرانی فنڈ کے ذرایع ختم کردیں گے۔

تفصیلات کے مطابق امریکا کا ایران پر الزام ہے کہ وہ مشرقی وسطیٰ میں دہشت گردی کے لیے فنڈنگ کرتا ہے، جبکہ دہشت گروں کو مکمل طور پر مالی مدد فراہم کی جاتی ہے۔

غیر ملکی خبر رساں ادارے کا کہنا ہے کہ ایران اپنے تیل کی فروخت سے حاصل ہونے والی رقم کا ایک بڑا حصہ دہشت گردی کے لیے استعمال کرتا ہے جس کے پیش نظر امریکا نے ایرانی تیل برآمد کرنے والے ممالک کو خریداری سے روک دیا ہے۔

امریکا حکام نے بین الاقوامی برادری سے مطالبہ کیا ہے کہ وہ نیوکلیئر پروگرام میں توسیع سے متعلق ایرانی دھمکیوں پر اس کا احتساب کرے۔

امریکا نے ایران پر نئی پابندی عائد کرتے ہوئے ملکی اسٹیل اور کان کنی کی صنعتوں پر پابندی عائد کردی ہے جس کے ردعمل میں ایران سیخ پا ہے۔

دوسری جانب ان پابندیوں کے ردعمل میں ایران نے واضح کیا ہے کہ وہ اپنے جوہری پروگرام کو مزید وسعت دیں گے، البتہ یہ بھی موقف اختیار کیا ہے کہ اگر یورپ جوہری ڈیل پر عمل کرے تو ایران بھی ذمہ داریاں پوری کرنے کے لیے تیار ہے۔

امریکا نے ایران پر نئی پابندیاں عائد کردیں

واضح رہے کہ ایران کی جانب سے یورینیم افزودگی دوبارہ شروع کرنے کے اعلان کے بعد سے ایران اور امریکا کے درمیان کشیدگی بڑھ گئی ہے، امریکا نے ایران کے دوسرے بڑے ذریعہ آمدن پر پابندی عائد کی ہے۔

Comments

- Advertisement -