The news is by your side.

دبئی میں ’مفت روٹی‘ کی سہولت متعارف

دبئی میں غریب اور مزدور طبقے سے تعلق رکھنے والے افراد کے لیے مفت روٹی کی سہولت متعارف کروا دی گئی ہے۔

فرانسیسی خبر رساں ایجنسی کی رپورٹ کے مطابق فلک بوس عمارتوں کا ملک دبئی زیادہ تر خوراک درآمد کرتا ہے جو عالمی مہنگائی کی لہر سے متاثر ہوا ہے۔ اس عالمی بحران کی ایک وجہ روس کا یوکرین پر حملہ کرنا بھی ہے۔

پچھلے ہفتے دبئی کی کچھ سُپر مارکیٹوں میں دس ایسی مشینیں نصب کی گئیں جن سے کریڈٹ کارڈ استعمال کر کے شہری سینڈوچ، روٹی یا چپاتی حاصل کر سکتے ہیں۔

مزید پڑھیں: دبئی میں مفت پارکنگ کا دن تبدیل

حکومتی اعداد و شمار کے مطابق غذائی اجناس کی ایک ٹوکری کی قیمت میں جولائی کے دوران 8 اعشاریہ 75 فیصد اضافہ ہوگیا جبکہ ٹرانسپورٹ کی لاگت 38 فیصد سے زیادہ ہوگئی۔

دبئی میں مفت روٹی کی مشینیں دبئی کے حکمران شیخ محمد بن راشد المکتوم کے فاؤنڈیشن کی پہل ہیں۔

Comments

یہ بھی پڑھیں