لاس اینجلس: ہالی ووڈ کی مشہور پاپ سنگر برٹنی اسپیئرز نے آخر کار باپ کے خلاف قانونی جنگ جیت لی۔
تفصیلات کے مطابق امریکا کی عدالت نے پاپ گلوکارہ برٹنی اسپیئرز کی درخواست پر ان کے والد جیمز اسپیئرز کو 13 برس سے گلوکارہ کی زندگی اور رقم پر حاصل ’سرپرستی‘ کو معطل کر دیا۔
رپورٹس کے مطابق 3 گھنٹے تک جاری رہنے والی سماعت میں اعلیٰ عدالت کی جج نے جیمز اسپیئرز کو برٹنی کی 6 کروڑ ڈالر کی جائیداد کی نگرانی سے ہٹانے کا فیصلہ سنایا، جب کہ مکمل سرپرستی ختم کرنے سے متعلق نومبر کی تاریخ طے کر دی۔
واضح رہے کہ برٹنی اسپیئرز نے 27 جولائی کو لاس اینجلس کی عدالت میں چوتھی مرتبہ والد کو سرپرستی سے ہٹانے کی درخواست دائر کی تھی، جیمز اسپیئرز کو امریکی عدالت نے 2008 میں گلوکارہ کا سرپرست مقرر کیا تھا۔
امریکی گلوکارہ برٹنی اسپیئر کی ایرانی نژاد اداکار سے منگنی، ویڈیو وائرل
برٹنی اسپیئرز نے چند دن قبل اپنے ایرانی دوست سیم اصغری سے منگنی کی ہے، برٹنی دو شادیاں کر چکی ہیں، ریپر کیون فیڈرلائن سے ان کے 2 بچے ہیں، بچپن کے دوست جیسن الیگزینڈر سے بھی برٹنی نے شادی کی تھی، لیکن یہ محض 55 گھنٹوں میں ختم ہوگئی تھی۔
