The news is by your side.

Advertisement

کورونا وائرس : پاپ گلوکار جسٹن بیبر اہلیہ کے ساتھ ازخود قرنطینہ میں چلے گئے

اوٹاوا : کینیڈین پاپ اسٹار اور اداکار جسٹن بیبر اور ان کی اہلیہ ماڈل ہیلی بالڈوین نے کرونا وائرس کے خدشے کے پیش نظر پیشگی حفاظتی اقدام کے تحت خود کو قرنطینہ کرلیا۔

تفصیلات کے مطابق دنیا بھر میں مشہور پاپ میوزک گلوکار اور اداکار جسٹن بیبر اور ان کی اہلیہ نے عوام کو کرونا وائرس سے آگاہی اور حفاظتی تدابیر اختیار کرتے ہوئے خود کو ایک کمرے تک محدود کرلیا ہے۔

انہوں نے سماجی رابطے کی ویب سائٹ انسٹا گرام اکاؤنٹ پر ایک ویڈیو شیئر کی ہے جس میں جس میں یہ دونوں ایک دوسرے کو بوسہ دے رہے ہیں، اس تصویر کے کیپشن میں انہوں نے اپنی اہلیہ کو قرنطینہ کا ساتھی قرار دیا۔

انسٹا گرام پرا نہوں نے ایک ویڈیو بھی جاری کی ہے ویڈیو میں دیکھا جاسکتا ہے کہ خود کو مصروف رکھنے کیلئے دونوں میاں بیوی رقص کررہے ہیں۔

یاد رہے کہ اس سے قبل بھی پاپ اسٹار جسٹن بیبر نے عوام کو کورونا وائرس سے بچاؤ کیلئے سوشل میڈیا پر کئی مشورے بھی دیے تھے۔

واضح رہے کہ کینیڈا میں کورونا وائرس کے مریضوں کی تعداد 727 ہوچکی ہے، اس مرض سے 9 افراد ہلاک بھی ہوئے جبکہ اب تک نو مریض صحت یاب بھی ہوچکے ہیں۔

کینیڈین وزیراعظم نے جسٹن ٹروڈو نے 18مارچ کو کورونا وائرس کے خدشے کے پیش نظر ملک کی تمام سرحدیں اور فضائی روٹس بند کرنے کا حکم جاری کیا تھا۔

اس کے علاوہ انہوں نے کرونا وائرس کے پیش نظر اپنے آپ کو آئیسولیشن میں رکھا ہوا ہے، تاہم اس کے باوجود وہ گھر سے ملکی امور دیکھ رہے ہیں۔

سماجی رابطے کی ویب سائٹ ٹوئٹر پر جسٹن ٹروڈو نے ٹوئٹ کیا کہ گھر سے ملکی امور دیکھ رہا ہوں جس کے باعث مصروفیات کا سلسلہ جاری ہے۔

fb-share-icon0
Tweet 20

Comments

comments

یہ بھی پڑھیں