The news is by your side.

Advertisement

ویٹی کن: جنسی استحصال میں ملوث امریکی پادری کا استعفیٰ منظور

ویٹی کن سٹی: پوپ فرانسس نے واشنگٹن کے ایک سابق سینئر بشپ اور کیتھولک عیسائیوں کے ایک معروف پادری میک کیرک کا استعفیٰ قبول کرلیا۔

غیر ملکی خبررساں ادارے کے مطابق یہ پیش رفت 88 سالہ پادری پر جنسی حملوں کے الزامات لگنے کے بعد سامنے آئی ہے، میک کیرک نے اپنا استعفیٰ جمعے کی شام پوپ فرانسس کو ارسال کیا تھا۔

مک کیرک کو 20 جون سے خدمات کی انجام دہی سے روک دیا گیا تھا، اس دوران 40 برس سے بھی زیادہ عرصہ قبل نیویارک شہر میں پیش آنے والے ایک اور واقعے کی تحقیقات مکمل ہونے کا انتظار ہے۔

ایک شخص جس کی عمر اُس وقت گیارہ برس تھی، امریکی پادری میک کریک کے خلاف جنسی حملے کا پہلا الزام عائد کیا ہے تاہم امریکی پادری نے اس اولین دعوے کو جھوٹا قرار دیا ہے۔

علاوہ ازیں کئی مردوں کی جانب سے یہ دعویٰ سامنے آیا ہے کہ مک کیرک نے نیوجرسی میں جنسی استحصال کا نشانہ بنایا یہ اس وقت کی بات ہے جب مذکورہ افراد میک کیرک کے طلباء تھے۔

کیتھولک حلقوں کا کہنا ہے کہ ویٹی کن کو چاہئے کہ وہ ایک تحقیق کار کو امریکا بھیجے تاکہ اُن افراد کا تعین کیا جاسکے جن کو مذکورہ دعوؤں سے متعلق واقعات کا علم ہے، ساتھ ہی یہ بھی معلوم کیا جائے کہ میک کیرک کی مسلسل ترقیوں کو کیوں نہیں روکا گیا۔

واضح رہے کہ کلیسا کی مذہبی شخصیات کی جانب سے جنسی حملوں سے متعلق زیادہ تر اسکینڈل کا تعلق پادریوں کے اعلیٰ ترین طبقے سے ہے۔


خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں