پوپ فرانسیس کی روہنگیا مسلمانوں پرمظالم کی مذمت pope-francis
The news is by your side.

Advertisement

پوپ فرانسیس کی روہینگیا مسلمانوں پرمظالم کی مذمت

ویٹی کن : عیسائیوں کےروحانی پیشوا پوپ فرانسیس نے روہینگیا مسلمانوں کے قتل عام کی مذمت کرتے ہوئے اسے تاریخ کا بد ترین واقعہ قراردیا ہے.

یہ بات انہوں نے اپنے ایک ویڈیو پیغام میں کہی انہوں نے کہا کہ میانمار میں انسانیت سوز جبروتشدد کا شکار ہونے والے عیسائی نہیں تو کیا ہوا لیکن اچھے اور پُرامن مسلمان اور ہمارے بھائی بہن ہیں۔

پوپ فرانسیس کا کہنا تھا کہ انہیں ان کے عقیدے کی بنیاد پرکئی سالوں سے تشدد کرکے قتل کیا جا رہا ہے اور یہ سلسلہ اب بند ہوجانا چاہیے اور اس المناک انسانی المیہ کا خاتمہ ہوجانا چاہیے.


*گزشتہ چند ہفتوں میں میانمارمیں ہلاک افراد کی تعداد 1000 ہوگئی،اقوام متحدہ 


پوپ فرانسیس نے برما میں جاری ان فسادات میں ہونے والے جانی نقصانات اوربے گھر ہونے والے افراد سے ہمدردی کا اظہار کرتے ہوئے کہا کہ اس کڑے وقت میں عیسائی برادری آپ کے ساتھ کھڑی ہے.

انہوں نے عالمی برادری سے روہینگیا کے مسلمانوں پر جاری ظلم و تشدد کا نوٹس لیتے ہوئے اس مسئلے کے تصفیے کے لیے اپنا کردار ادا کرنے کی اپیل کی.

پوپ فرانسیس نے کہا کہ پُرامن دنیا سب کے فائدے میں ہے اور سب ہی نے اس کے لیے اپنا اپنا کردار ادا کرنا ہے تاکہ آئندہ آنے والی نسلیں ایک پُرامن اور محفوظ دنیا میں اپنے اپنے عقائد اور رسم و رواج کے تحت خوش گوار زندگی بسر کرسکیں.

Comments

comments

یہ بھی پڑھیں