پورٹ قاسم : آئل ٹینک میں گر کے 2مزدور جاں بحق ، 2بے ہوش -
The news is by your side.

Advertisement

پورٹ قاسم : آئل ٹینک میں گر کے 2مزدور جاں بحق ، 2بے ہوش

کراچی : پورٹ قاسم پر قائم فیکٹری کے آئل ٹینک میں گرکر دو مزدور جان سے چلے گئے، جبکہ دو کو نیم بے ہوشی کی حالت میں اسپتال منتقل کر کے ریسکیو آپریشن مکمل کر لیا گیا ۔

تفصیلات کے مطابق کراچی میں پورٹ قاسم میں واقع فیکٹری میں دلخراش حادثہ پییش آیا۔ بائیو گیس بنانے والی فیکٹری کے آئل ٹینک میں گر کر دو مزدور جاں بحق ہوگئے جبکہ دو مزدوروں کو نیم بے ہوشی کی حالت میں ریسکیو کر لیا گیا۔

صفائی کے دوران ایک مزدور ٹینک میں جا گرا ، جسے بچانے کے لئے تین مزدور بھی ٹینک میں اتر گئے ۔

فیکٹری کے ملازمین نے اپنی مدد آپ کے تحت دو مزدوروں کو ٹینک سے بے ہوشی کی حالت میں نکال کر جناح اسپتال منتقل کر دیا ۔

دو مزدروں کو ریسیکو اہلکاروں نے مردہ حالت میں ٹینک سے باہر نکالا۔ ذرائع کے مطابق فیکٹری میں لیبر قوانین کی کھلم کھلا خلاف ورزی کی جارہی ہے،احتیاطی تدابیر اختیار نہ کرنے کے باعث حادثہ رونما ہوا ۔

Comments

comments

یہ بھی پڑھیں