کراچی : پورٹ قاسم کی زمینوں کے الاٹمنٹ کے معاملہ پر ایکشن لیتے ہوئے وفاقی وزیر علی زیدی نے ماضی میں فروخت زمینوں کا ریکارڈ مانگ لیا۔
اس حوالے سے ذرائع کا کہنا ہے کہ پورٹ قاسم اتھارٹی میں سیکڑوں ایکڑ قیمتی اراضی کی الاٹمنٹ کی گئی، اتھارٹی اراضی صرف پورٹ سے وابستہ صنعتوں کو فروخت کی مجاز تھی۔
ذرائع کے مطابق ماضی کی حکومتوں میں پورٹ قاسم کی زمینوں کی الاٹمنٹ کی گئی، وفاقی وزیر علی زیدی نے پورٹ انتظامیہ کو زمینوں کی الاٹمنٹ کی تفصیلات مہیا کرنے کی ہدایت جاری کی ہے۔
ذرائع کا کہنا ہے کہ زمینوں کی غیر قانونی الاٹمنٹ سے حکومتی خزانے کو اربوں روپے سے محروم کیا گیا ہے، ماضی کی حکومت نے من پسند افراد کو پورٹ قاسم کی اراضی فروخت کی،4سے5کروڑ روپے فی ایکڑ اراضی صرف50لاکھ سے ایک کروڑ تک فروخت کی گئی۔
Comments
- Advertisement -
