پرتگال : فلاورفیسٖٹول عوام کی توجہ کا مرکز بن گیا۔ شہریوں نے خوبصورت پھولوں سے سجے ملبوسات پہن کر رقص کیا۔
تفصیلات کے مطابق پرتگال میں ہونے والے رنگا رنگ فلاور فیسٹیول میں شہریوں نے بھرپور شرکت کرکے ماحول کو رنگین کردیا۔
پرتگال کی فضاؤں میں پھولوں کی خوشبو رچی ہوئی ہے۔ فلاور فیسٹول میں ہر طرف کھلے کھلے خوش رنگ پھول سجے ہیں۔ ان پھولوں کی مہک سے شہریوں کے چہرے بھی کھلے کھلے ہیں۔
فیسٹیول میں پھولوں سے بنے لباس پہنے حسینائیں رقص کررہی ہیں۔ گلابی پیرہن میں جھوم جھوم کر گانا گاتی پرتگالی لڑکیاں فلاور فیسٹول میں آنے والوں کو خوش آمدید کہہ رہی ہیں۔
فلاور فیسٹول میں پھولوں سے سجے فلوٹس بھی توجہ کا مرکز بنے رہے۔ جس کے بعد رنگا رنگ پھول دار ملبوسات میں ہونے والی پریڈ نے دل باغ باغ کردیا۔
Comments
- Advertisement -
