The news is by your side.

Advertisement

پنجاب میں کورونا کیسز کی شرح ایک فیصد سے بھی نیچے آگئی

لاہور : پنجاب میں کورونا کیسز کی شرح ایک فیصد سے بھی نیچے آگئی ، ایک دن میں صوبہ بھر میں کورونا وائرس سے کل7 اموات ہو ئیں اور 144 نئے کیسز رپورٹ ہوئے۔

تفصیلات کے مطابق پنجاب میں کورونا وائرس کے کیسز میں واضح کمی ریکارڈ کی گئی ، سیکرٹری محکمہ پرائمری اینڈ سیکنڈری ہیلتھ کیئر سارہ اسلم نے کہا ہے کہ گزشتہ روز صوبہ بھر کے تمام شہروں میں کرونا مثبت کیسز کی شرح 0.8 رہی۔

سیکرٹری محکمہ پرائمری اینڈ سیکنڈری ہیلتھ نے بتایا صوبائی دارالحکومت لاہور میں مثبت شرح ایک اعشاریہ چار فیصد رہی جبکہ راولپنڈی میں 0.5، فیصل آباد میں0.6 ، ملتان میں0.8ریکارڈ کی گئی۔

ان کا کہنا تھا کہ پنجاب میں گزشتہ 24 گھنٹوں میں کورونا وائرس کے 144 نئے کیسزسامنے آئے، جس سےکل تعداد تین لاکھ چھیالیس ہزار 180 ہو گئی جبکہ صوبہ بھر میں کورونا وائرس سے کل7 اموات ہو ئیں، جس میں سے لاہور میں 2 افراد جان سے گئے۔

سارہ اسلم نے کہا گزشتہ 24 گھنٹوں میں لاہور میں 70، راولپنڈی میں 23، ملتان میں10،گجرانوالہ میں8 ، سرگودھا میں7، فیصل آباد میں 6، خانیوال میں 4، گجرات میں 3، اٹک میں 2، ڈیرہ غازی خان میں 2 اور خوشاب میں 2 کرونا وائرس کے کیسز رپورٹ ہوئے۔

Comments

یہ بھی پڑھیں