The news is by your side.

Advertisement

پنجاب کے 11 پولیس افسران کے تقرر و تبادلے کے احکامات جاری

لاہور: پنجاب کے 11 پولیس افسران کا تقرر اور تبادلہ کر دیا گیا ہے، آئی جی پنجاب عارف نواز نے افسران کے تقرر و تبادلے کے احکامات جاری کر دیے۔

تفصیلات کے مطابق آئی جی پنجاب عارف نواز نے پنجاب پولیس کے گیارہ افسران کے تقرر و تبادلے کے احکامات جاری کر دیے ہیں۔

ڈی ایس پی آرگنائزڈ کرائم مظفر گڑھ ریحان رسول کو اے ڈی آئی جی ڈیرہ غازی خان مقرر کر دیا ہے، جب کہ اے ڈی آئی جی ڈی جی خان فاروق احمد ڈی ایس پی لیگل ڈی جی خان تعینات کر دیا گیا۔

تقرری کے منتظر ڈی ایس پی منصور ناجی کی خدمات ڈی آئی جی ٹریفک پنجاب کے سپرد کر دی گئیں، تقرر کے منتظر ڈی ایس پی سلیم حیدر شاہ ڈی ایس پی آرگنائزڈ کرائم شیخو پورہ تعینات کر دیے گئے۔

تقرری کے منتظر ڈی ایس پی محمد افسر کو ڈی ایس پی آرگنائزڈ کرائم راولپنڈی تعینات کر دیا گیا، جب کہ ڈی ایس پی اعجاز حسین شاہ ڈی ایس پی سیکورٹی وی وی آئی پی مقرر کیا گیا۔

تقرری کے منتظر ڈی ایس پی غضنفر عباس ایس ڈی پی او میاں چنوں خانیوال جب کہ ڈی ایس پی محمد اشرف کی خدمات ایڈیشنل آئی جی اسپیشل برانچ کے سپرد کر دی گئیں۔

تقرری کے منتظر ڈی ایس پی رضا کار حسین شاہ ڈی ایس پی سیکورٹی گورنر ہاؤس، ڈی ایس پی سیکورٹی گورنر ہاؤس نعیم عزیز ایس ڈی پی او صدر ٹوبہ ٹیک سنگھ جب کہ ڈی ایس پی کینٹ، سٹی ٹریفک پولیس ندیم بٹ کو سی پی او میں رپورٹ کرنے کا حکم دیا گیا ہے۔

Comments

comments

یہ بھی پڑھیں