اسلام آباد : میڈیکل بورڈ نے مرحوم ارشد شریف کے پوسٹ مارٹم کے بعد میت کا ایکسرے، سی ٹی اسکین کرانے کا فیصلہ کرلیا۔
تفصیلات کے مطابق مرحوم ارشد شریف کا پوسٹ مارٹم مکمل کر لیا گیا ، ذرائع کا کہنا ہے کہ میڈیکل بورڈ نے میت کا ایکسرے اور سی ٹی اسکین کرانے کا فیصلہ کیا ہے۔
پمز اسپتال ذرائع نے بتایا ہے کہ ارشد شریف کے جسم کی مختلف ہڈیوں کا ایکسرے مکمل کرلیا ہے اور ان کا فل باڈی سی ٹی اسکین شروع ہوگیا ہے۔
ذرائع کے مطابق ارشد شریف کا سی ٹی اسکین، ایکسرے بورڈ کی سفارش پر ہو رہا ہے۔
پمزاسپتال کے ہائی پروفائل میڈیکل بورڈ نے سینئرصحافی شہید ارشد شریف کا پوسٹ مارٹم کیا۔
شعبہ سرجری کے سربراہ ڈاکٹر وقار کی سربراہی میں آٹھ رکنی بورڈ پوسٹ مارٹم کررہا ہے۔
پمز اسپتال انتظامیہ نے میڈیا سے بات کرتے ہوئے بتایا تھا کہ اہل خانہ کی جانب سے پوسٹ مارٹم کی درخواست آئی تھی، پوسٹ مارٹم جلد مکمل ہو جائے۔
انتظامیہ کا کہنا تھا کہ پوسٹ مارٹم کیلئے کچھ ٹیسٹ ہوتے ہیں ان کی رپورٹ میں کچھ وقت درکار ہوتا ہے۔