تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

شہید ارشد شریف کی پوسٹ مارٹم رپورٹ سامنے آگئی، اہم انکشافات

اسلام آباد : شہید ارشد شریف کی پوسٹ مارٹم رپورٹ سامنے آگئی ، جس میں بتایا گیا ارشد شریف کے جسم پر 12 زخم پائے گئے اور کھوپڑی کی بائیں جانب کی ہڈی غائب تھی۔

تفصیلات کے مطابق شہید ارشد شریف کی پوسٹ مارٹم رپورٹ سامنے آگئی ، جس میں بتایا گیا ہے کہ ارشد شریف کی لاش پر بارہ زخم پائے گئے تھے، ان کی بائیں آنکھ کے گرد سیاہ نشان تھا۔

پوسٹ مارٹم رپورٹ میں کہا گیا ہے کہ شہید ارشد شریف کی گردن کے بائیں جانب زخم اور چھاتی کے دائیں جانب سینے پر زخم موجود تھا۔

ذرائع کے مطابق ارشد شریف کے بائیں کندھے کے پاس بھی زخم موجود تھا جبکہ ان کی کمر کے بالائی حصے پر زخم کا نشان پایا گیا۔

رپورٹ میں کہا ہے کہ ارشد شریف کی کمر پر موجود زخم کے گرد سیاہ نشان موجود تھا اور ان کے دائیں ہاتھ کے چار ناخن موجود نہیں تھے جبکہ ان کی دائیں کلائی پر رگڑ کا نشان موجود تھا۔

رپورٹ کے مطابق ارشد شریف کی کھوپڑی کی بائیں جانب کی ہڈی غائب تھی اور ان کے دماغ کے بائیں جانب متاثر ہوا تھا، گولی سے ارشد شریف کا دماغ، پھیپڑا شدید متاثر ہوا۔

رپورٹ میں بتایا گیا ارشد شریف کے بائیں ہاتھ کی انگشت شہادت پر گہرا زخم تھا اور ان کے بائیں ہاتھ کی دو انگلیوں کے ناخن میں خون جما تھا۔

Comments

- Advertisement -