The news is by your side.

Advertisement

بھارت میں گوشت کے خلاف کریک ڈاؤن، پولٹری ایسوسی ایشن کی ہڑتال

الہٰ آباد: بھارتی ریاست اتر پردیش میں وزیر اعلیٰ یوگی ادیتیا ناتھ نے منصب سنبھالتے ہی انتہا پسندانہ ایجنڈا نافذ کرنا شروع کردیا۔ گوشت کی دکانوں کے خلاف کریک ڈاؤن کے بعد ریاست میں پولٹری ایسوسی ایشن نے ہڑتال کردی۔

بھارتی ریاست یو پی میں بھارتیہ جنتا پارٹی کے نامزد کردہ وزیر اعلیٰ یوگی ادیتیا نے کچھ روز قبل ہی وزارت اعلیٰ کا منصب سنبھالا ہے۔ منصب پر فائز ہوتے ہی وزیر اعلیٰ نے پوری ریاست میں گوشت کی دکانوں کے خلاف کریک ڈاؤن کرنے کا حکم دے دیا تھا۔

گوشت کی دکانوں کو آگ لگانے اور مذبح خانے بند ہونے کے بعد ریاست بھرم یں پولٹری فارمز ایسوسی ایشن نے بھی اپنا کاروبار بند کردیا۔

یو پی میں گوشت کی دکانیں پہلے ہی بند تھیں، پولٹری فارمز ایسوسی کی ہڑتال نے ریاست میں نیا بحران کھڑا کردیا۔ چکن کے ساتھ ساتھ انڈے بھی نایاب ہوگئے۔

مزید پڑھیں: بھارت میں گوشت کی دکانوں کو آگ لگا دی گئی

یو پی کی مشہور کباب کی دکانیں بند ہونے سے بھی سینکڑوں لوگ بیروزگار ہوگئے ہیں۔

اس سے قبل ریاست گجرات میں بھی ریاستی حکومت نے گائے ذبح کرنے والوں کے خلاف سخت ترین اقدامات کرتے ہوئے ذبح کرنے والے کے لیے عمر قید کی سزا تجویز کی تھی۔

یاد رہے کہ بھارتی وزیر اعظم نریندر مودی 2001 سے 2014 تک ریاست گجرات کے وزیر اعلیٰ رہے تھے اور ان کے دور میں گجرات میں گائے ذبح کرنے، گائے کے گوشت کی نقل و حمل اور اس کی فروخت پر مکمل پابندی عائد تھی۔

Print Friendly, PDF & Email

Comments

comments

یہ بھی پڑھیں